Аԥснытәи акаратистцәа 13 медаль ргеит Ҟрым аиндаҭлараҿы

© Foto / facebook / Государственный комитет РА по делам молодежи и спортуОткрытое первенство Республики Крым по каратэ кекусинкай кумитэ
Открытое первенство Республики Крым по каратэ кекусинкай кумитэ - Sputnik Аҧсны, 1920, 14.06.2021
Анапаҵаҩра
НовостиTelegram
Ареспублика Ҟрым аҿы карате кекусинкаи кумите (кекусин-кан адисциплина) азы иаарту аиндаҭлара мҩаԥысуан рашәара 11-13 рзы Семфирополь, 5 – 11; 12 – 15; 16 - 17 шықәса зхыҵуа рыбжьара.

АҞӘА, рашәара 14 - Sputnik. Аԥснытәи акаратистцәа 13 медаль ргеит Ҟрым аиндаҭлараҿы ҳәа аанацҳауеит аҿари аспорти русқәа рзы Аԥсны Аҳәынҭқарратә еилакы.

Аԥснытәи акоманда ахьӡала иқәгылон 22 спортсмен Аҟәа, Гәылрыԥшь, очамчыра араионқәа рҿынтәи.

Зынӡа аиндаҭларақәа ирылахәын 300 спортсмен Аԥсны, Ҟрым, Даӷьсҭан, Чечентәи Ареспублика, Астрахантәии Ростовтәии аобластқәеи Краснодартәи атәылаҿацәи рҟынтәи.

Аиндаҭлара аихшьаалақәа рыла Аԥсны акоманда актәи аҭыԥқәа ԥшьба, аҩбатәи аҭыԥқәа хәба, ахԥатәи аҭыԥқәа ԥшьба ргеит.

Актәи аҭыԥ ргеит Гәылрыԥшьтәи аспортсменцәа: Роберти Руслани Карапетианаа, Виолетта Кондакчиан, Давид Аџьынџьал.

Геннадий Цулая  - Sputnik Аҧсны, 1920, 25.05.2021
Ҳазлацәажәаша ҳамоуп: Ҵлаииа Ҟазахсҭан имҩаԥгаз карате-до азы Евразиа ачемпионат атәы

Аҩбатәи аҭыԥқәа ргеит: Алан Иақәыб-оӷлы – Очамчыра, Лера Џьалаӷаниаԥҳаи Алиас Гьериеи – Гәылрыԥшь араион, Леон Возбеи Нестор Гадлиеи – Аҟәа.

Ахԥатәи аҭыԥқәа ныркылеит: Самед Бабаев – Аҟәа, Дарина Соиа, Александра Павлова, Анаида Мелкониан – Гәылрыԥшь араион.

Аспортсменцәа азыҟаиҵоит Аԥсны зҽаԥсазтәыз азыҟаҵаҩ, карате кекусинкаи афедерациа анапхгаҩы Витали Ҷыҭанаа, Аԥсны аспорт азҟаза Зураб Мурадиан, Аԥсны аспорт азҟаза Ҭемыр Ҷыҭанаа.

Аспортсменцәа афинанстә дгылара рырҭеит аҿари аспорти русқәа рзы Аҳәынҭқарратә еилакы, Гәылрыԥшь араион Ахадара, Очамчыра араион Ахадара аҿари аспорти рыҟәша.

Ажәабжьқәа зегьы
0