АҞӘА, ԥхынгәы 2 – Sputnik. Абџьари аџьаԥҳани рыла ахәаахәҭреи, аграждантәи, аспорттәи бџьар аахәаразы азин ҷыда рырҭалоит Аԥсны аҩнуҵҟатәи аусқәа рминистрра ҳәа арадио Sputnik иазеиҭалҳәеит Аминистрцәа реилазаара азиндырратә усбарҭа ареферент Есма Лакербаиа.
Лара лажәақәа рыла, алицензиа аиура зҭаху Аԥсны Аҳәынҭқарраҿы иҭаҩу иурист хаҿқәазар ҟалоит ма ихатәхаҿқәазар алшоит. Бџьарла ахәаахәҭра азин ҷыда аиуразы иахәҭоуп:
- Абџьар ахьырҭиуа ахыбра, асанитартәи абылраҽацәыхьчаратәи ҭагылазаашьақәа азгәаҭаны;
- Абџьар ахьыҟоу атәым хаҿқәа рнеира алымшо аҭагылазаашьа аԥҵара.
Аҭиҩы есымза Аԥсны ААР ахь аҳасабырбақәа наишьҭлароуп ииҭиз абџьар ахыԥхьаӡаразы, иаазхәаз ахаҿқәа рзы адыррақәа, иҭырҟьоу апатронақәеи агильзақәеи анаҩс урҭ агильзотекаҿы рыҵәахразы.
"Абџьар ахархәараз аԥышәа бзиа змоу, зус рмыӡбац, арыжәтәи анаркотикатә маҭәашьарқәеи здызымкыло иоуп абџьар аҭира азин змоу", - лҳәеит Лакербаиа.
Азин ҷыда ҿҳәарала иԥкым, ахԥатәи ахаҿқәа рыҭара азин ыҟам. Иара аиуразы арзаҳал хымш рыҩнуҵҟа иҭырҵаауеит.
Лара лажәақәа рыла, алицензиа аиура зҭаху Аԥсны Аҳәынҭқарраҿы иҭаҩу иурист хаҿқәазар ҟалоит ма 18 шықәса ирҭысхьоу, зус рмыӡбац, зыпсихика шьақәтәоу хатәхаҿқәазар алшоит.
Агәабзиарахьчара аминистрра анапы ианҵоуп ахаҿы алицензиа иоура иаԥырхаганы иҟоу ачымазарақәа реиқәыԥхьаӡа азырхиара, азакәан амчра анаиу инаркны 30 мшы рыҩнуҵҟа.
Иара убас шәаԥхьар ҟалоит:
-
Абџьар аныҟәгаразы аҭакԥхықәра рӷәӷәазарц азакәан апроект ахада идгалоуп
-
Аԥсны абџьари аџьаԥҳани рыла ахәаахәҭра азин ҷыда аҭараз Аԥҟара рыдыркылеит
