АҞӘА, ԥхынгәы 21 - Sputnik. Амаршрут Шәача – Адлер - Аԥсны аҳәаа аҟынӡа акурорттә сезон аан апассаџьырцәа ныҟәыргалоит аекологиатә автобусқәа ҳәа аанацҳауеит ақалақь ахадара апресс-маҵзура.
"Аԥхынтәи асезон азы апассаџьырцәа рырацәара инадҳәаланы амаршрутқәа 125с, 125п рҟны ахархәара роуеит автобус ҿыцқәа. Атранспорт екологиала ицқьоуп", - иҳәоит атранспорт азы ақалақьтә департамент адиректор инапынҵақәа назыгӡо Виачеслав Бауер.
Иазгәаҭоуп иарбоу амаршрутқәа рыла иныҟәо автобусқәа апассаџьырцәа рымаҵ рулоит асезон нҵәаанӡа ҳәа. Автобусқәа ҳаамҭа иақәшәо еиҿкаауп, амцарцәаратә система, авидеорбагақәа, аҳауаҭышәныртәалагақәа, автоинформаторқәа рыла еиқәыршәоуп.
