АҞӘА, ԥхынгәы 30 - Sputnik. Ателеканал RT ажурналист Халед аль-Хатыб-2021 ихьӡ зху жәларбжьаратәи аԥхьахә аиуразы арзаҳалқәа рыдкылара хацныркит.
Апремиа ԥшьынтәуп имҩаԥыргоишьҭеит, иара ранаршьоит аимак-аиҿак ахьыҟоу аҵакырадгьылқәа рҟны аус зуа ажурналистцәа.
Аԥхьахә ранаршьоит аусумҭақәа абарҭ рыхкқәа рыла:
- "Аимак-аиҿак ахьыҟоу аҵакырадгьылқәа рҟынтә иреиӷьу аусумҭа: атекст",
- "Аимак-аиҿак ахьыҟоу аҵакырадгьылқәа рҟынтә иреиӷьу аусумҭа: авидео",
- "Аибашьра ашьҭахь: атекст/авидео"- раԥхьаӡа ицәыргоу.
"Аибашьра ашьҭахь: атекст/авидео" аноминациаҟны еиҭаҳәатәуп аибашьра зхзгахьоу ажәларқәеи ауааи ирыԥсҭазаашьоу, аҭынч ԥсҭазаара ишазыхынҳәыз.
Аԥхьахә Khaled Alkhateb Memorial Awards 2021 аҟны аиааира згаз ианашьахоит аԥаратә ҳамҭа- 200 нызқь мааҭ.
Арзаҳалқәа апремиа асаит аҟны адкылара иалагеит. Аԥхьахәқәа згаз рылаҳәахоит абҵара 30 рзы.
Актәи ашықәс азы аԥхьахә иаԥсахеит Ираки, Ирландиеи, Сингапури рҟынтәи ажурналистцәа. Аӡбаҩцәа реилазаара иалахәын урыстәылатәии аҳәаанырцәтәии ажурналистцәа, хаҭала Ирада Зеиналови Евгени Поддубни.
2020 шықәсазы RT апремиа ранашьахеит Урыстәылеи, Шьамтәылеи, Индиеи рырратә корреспондентцәа.
Ателеканал RT Khaled Alkhateb Memorial Awards апремиа хацныркит иҭахаз 25 шықәса зхыҵуаз RT Arabic ажурналист Халед аль-Хатыб игәалашәара аҳаҭыраз. Халед аль-Хатыб дҭахеит апровинциа Хомс аҿы 2017 шықәса рзы. 2018 шықәсазы Владимир Путин аусԥҟа инапы аҵеиҩит Халед аль-Хатыб "Агәымшәаразы" амедал ианашьаразы данҭаха ашьҭахь. Амедал ажурналист иҭаацәа ирыҭан Khaled Alkhateb Memorial Awards актәи апремиа анашьара иазкны имҩаԥгаз аусмҩаԥгатә аҟны.
