Аҟәеи Очамчыреи рыбжьара лашарала ианеиқәыршәахо еилкаауп

© Sputnik Республиканская Трасса
Республиканская Трасса  - Sputnik Аҧсны, 1920, 05.08.2021
Анапаҵаҩра
Ареспубликатә мҩаду лашарала аиқәыршәаразы аусурақәа мҩаԥгахоит Аԥсны асоциал-економикатә ҿиараз Аинвистициатә программа инақәыршәаны.
АҞӘА, нанҳәа 5 – Sputnik, Бадри Есиава. Аҟәеи Очамчыреи рыбжьара алашара ашьақәыргылараз аусурақәа ҩымчыбжь рыла иалагоит, уи азы иаҭаху ашьаҟақәа шаагахалак, абри атәы Sputnik иазеиҭеиҳәеит Аԥсны акапиталтә ргылара аусбарҭа аиҳабы ихаҭыԥуаҩ Демир Гамисониа.
ЛЭП Очамчыра  - Sputnik Аҧсны, 1920, 13.05.2021
2021 шықәсазы Аҟәа инаркны Очамчыранӡа ареспубликатә мҩаду лашарала еиқәыршәахоит
"Аԥсны акапиталтә ргылара аусбарҭеи "Амшынеиқәафымцамчи" аиқәшаҳатра рыбжьарҵеит ҩымчыбжь рыҩныҵҟа Аҟәеи Очамчыреи рыбжьара аусурақәа рылагаразы, уи азы 600 шьаҟа аагоуп. Ари апроект актәи аетап ауп. Ари ашьҭахь аргыларатә усурақәа ирылагоит", - иҳәеит иара.
Гамисониа иҳәеит актәи аетап аан ашьаҟақәа ргылахоит 19-километра рҟны, зынӡа 47 километра ыҟоуп. Аныхрақәа 76 миллион мааҭ дыртәоит.
Аҩбатәи аетап аан аҽа 26 километра рзы 800 шьаҟа аархәоит. Арҭ аныхрақәа макьаназ ишьақәырӷәӷәам, избанзар урҭ ушьҭантәи Аинвистициатә программа иаҵанакуеит.
"Амшынеиқәафымцамч" ашьаҟақәа Краснодартәи азауадқәа руак аҿы иҿанаҵеит. Гамисониа ишиҳәо ала урҭ ацинк иалхуп, ижьакцаӡом.
"Реиҳара рхиоуп, лассы иҳаздәықәырҵоит. Етап-етапла иаарышьҭуеит. Актәи аетап ҩышықәса аҵанакуеит. Сынтәатәи алимит 23 миллион ҟалоит, ҽаантәи– 53 миллион мааҭ", - иҳәеит Гамисониа.
"Амшынеиқәафымцамчи" азауади реиқәшаҳаҭрала ашьаҟақәа рыхәԥса еиҭакхом, иҳәеит иара.
Ажәабжьқәа зегьы
0