https://sputnik-abkhazia.info/20210818/arachy-Cheresia-Asny-khatgakharala-eibashuaz-rgalasharaz-Akh-asha-apark-aadyrtit-1033059378.html

Ҟарачы-Черқьесиа Аԥсны хатәгәаԥхарала еибашьуаз ргәалашәараз Ахьӡ-аԥша апарк аадыртит

Ҟарачы-Черқьесиа Аԥсны хатәгәаԥхарала еибашьуаз ргәалашәараз Ахьӡ-аԥша апарк аадыртит

Sputnik Аҧсны

1992-1993 шықәсқәа рызтәи Аԥсны жәлар Рџьынџьтәылатә еибашьра иалахәын Нхыҵ Кавказынтәи хатәгәаԥхарала еибашьра ҳәа иааз 2300-ҩык инареиҳаны. 18.08.2021, Sputnik Аҧсны

2021-08-18T15:52+0300

2021-08-18T15:52+0300

2021-08-18T16:01+0300

ажәабжьқәа

аԥсны

кавказ

https://cdnn1.img.sputnik-abkhazia.info/img/07e5/08/11/1033052291_14:0:2600:1462_1920x0_80_0_0_0f78849c4f82acc935c93372b7d1da7e.jpg

АҞӘА, нанҳәа 18 – Sputnik. Ҟарачы-Черқьесиа, Адыге-Хабльтәи араион аул Старо-Кувинск аҿы иаадыртит Аԥсны хатәгәаԥхарала еибашьуаз ргәалашәараз Ахьӡ-аԥша апарк ҳәа радио Sputnik иазеиҭеиҳәеит Аԥсны хатәгәаԥхарала еибашьуаз Реидгыла анапхгаҩы Мураҭ Жиров."Апарк хатәгәаԥхарала еибашьуаз рыхьӡ ахҵара аидеа цәырҵит иара аргылара ахыркәшамҭаз. Иҟан имаҷымкәа аверсиақәа. Леон иорден занашьоу Роберт Ашба хатәгәаԥхарала еибашьуаз рыхьӡ ахҵазарц ажәалагала аныҟаиҵа, зегь еицҿакрыла иақәшаҳаҭхеит", - ҳәа иҳәеит Жиров.1992-1993 шықәсқәа рызтәи Аԥсны жәлар Рџьынџьтәылатә еибашьра иалахәын аул Старо-Кувинск 25-ҩык ауааԥсыра ҳәа иҳәеит иара.Мураҭ Жиров еиҭеиҳәеит Апарк аартрахь ишнеиз Ҟарачы-Черкесиа араионқәа, Аԥсны, Нхыҵи Аахыҵи Уаԥстәыла, Чечниа, Ҟабарда-Балкариа, Адыгеиа, Краснодартәи атәылаҿацә рхаҭарнакцәа.Апарк аартра ашьҭахь ауснагӡатә алахәылацәа ашәҭшьыҵәрақәа шьҭарҵеит 1941-1945 шықәсазтәи Аџьынџьтәылатә еибашьра ду алахәылацәа рбаҟа аҿаԥхьа, анаҩс Акультура ахан аҿы имҩаԥган аизара. Аизараҟны аибашьраан Аԥсны ацхыраара азҭаз иранашьан Аԥсны хатәгәаԥхарала еибашьуаз Реидгыла ишьаҭанаркыз амедалқәа – "Аԥсны ахақәиҭразы", "Аԥсны ахьӡ-аԥшазы"."Иҟоуп урыстәылазегьтәи аиҿкаара "Аибашьратә иашьара". Дара исарҳәеит Челиабинск амедалқәа шыҭрыжьуа. Ҳара уа иаҿаҳҵеит", - ҳәа иҳәеит Жиров.Амедал занашьахаз дреиуоуп Адунеизегьтәи аԥсуа-абаза конгресс Иреиҳаӡоу ахеилак ахантәаҩы, Жәларбжьаратәи икоммерциатәым аидгыла "Алашара" ахада Мусса Егзакь.

2021

Ажәабжьқәа

ab_AB

ажәабжьқәа, аԥсны, кавказ