Очамчыра араиони Афон ҿыци ацхыраара ласы амашьына ҿыцқәа роуит

© Sputnik / Асмат Цвижба Минздрав передал в пользование районным больница Очамчыры и Нового Афона две машины Скорой помощи
Минздрав передал в пользование районным больница Очамчыры и Нового Афона две машины Скорой помощи - Sputnik Аҧсны, 1920, 15.09.2021
Анапаҵаҩра
Ацхыраара ласы амашьынақәа ҩба Аԥсны ҳамҭас иарҭеит Чечентәыла ахада Рамзан Кадыров ихьӡала.
АҞӘА, цәыббра 15 – Sputnik, Асмаҭ Ҵәыџьԥҳа. Агәабзиарахьчара аминистр Едуард Быҭәба Афон Ҿыци Очамчыра араиони рхәышәтәырҭақәа амашьына ҿыцқәа ҩба риҭеит.
Очамчыра араионтә хәышәтәырҭа аҳақьым хада Мадонна Кьышьмариаԥҳа илҳәеит араион аҿы х-машьына заҵәык шыҟаз.
"Араион дууп. Ақыҭақәа рацәоуп. Лассы-лассы апациентцәа аҳҭнықалақь ахь ргара ҳақәшәоит. Уажәы аковид инадҳәаланы Гәдоуҭатәи агоспиталь ахьгьы ауаа аагоит. Ацхыраара ласы амашьына ҿыц ҳара ҳзы ицхыраагӡаҵәҟьоуп", - лҳәеит лара.
Афонҿыцтәи ахәышәтәырҭа аҳақьым хада Луиза Арӡынԥҳа ҭабуп ҳәа ахылҳәааит аҳамҭа. Иазгәалҭеит ахәышәтәырҭа автопарк аҿы ҩ-машьына заҵәык шыҟаз, урҭгьы акыр ишықәсхьаз.
Минздрав Абхазии получил две машины скорой помощи в дар от Чеченской Республики.  - Sputnik Аҧсны, 1920, 05.09.2021
Аԥсны агәабзиарахьчара аминистрра ацхыраара ласы амашьынқәа ҩба аиуит Чечентәылантәи
Агәабзиарахьчара аминистр Едуард Быҭәба иҳәеит ари амчыбжь азы аҽа машьынакгьы аараны ишыҟоу. Иазыԥхьагәаҭоуп Аҟәа ақалақь азы аҽа ҩ-машьынак раахәара.
Ацхыраара ласы амашьынақәа ҩба - ГАЗель NEXT Аԥсны ҳамҭас иаҭан Чечентәыла ахада  Рамзан Кадыров ихьӡала.
Амашьынақәа арахь иааган цәыббра 4 азы. Амашьынақәа рцаԥхақәа Едуард Быҭәба инапы иаиркит Чечентәи Ареспублика ахаҭарнакс Краснодартәи атәылаҿацә аҿы иҟоу Саид-Хусеин Хамзатов.
Ажәабжьқәа зегьы
0