https://sputnik-abkhazia.info/20210927/Anatoli-Bibilov-auas-eibashtsa-rbaa-aman-asha-sheieit-1033290253.html

Анатоли Бибилов ауаԥс еибашьцәа рбаҟа амҵан ашәҭқәа шьҭеиҵеит

Анатоли Бибилов ауаԥс еибашьцәа рбаҟа амҵан ашәҭқәа шьҭеиҵеит

Sputnik Аҧсны

Аахыҵ Уаԥстәыла Ахада Анатоли Бибилов арҭ амшқәа рзы ихы рылаирхәоит Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа жәпакы. 27.09.2021, Sputnik Аҧсны

2021-09-27T14:02+0300

2021-09-27T14:02+0300

2021-09-27T15:03+0300

аԥсны

ажәабжьқәа

https://cdnn1.img.sputnik-abkhazia.info/img/07e5/09/1b/1033289986_12:-1:2600:1463_1920x0_80_0_0_67600ce3c72a3f2bcbad1a1a5be683a0.jpg

ГАГРА, цәыббра 27 – Sputnik, Саида Жьиԥҳа.  Ашәахьа цәыббра 27 рзы, Анатоли Бибилов напхгара зиҭоз Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәуа агәалашәаратәи аныҳәатәи усмҩаԥгатәқәа."Иахьатәи арыцхәгьы аԥсуа жәлар рзы акраҵанакуеит. Цәыббра 27 - Аҟәа аӷа даналцахаз иамшуп. Гәык-ԥсыкала сашьцәа ишәыдысныҳәалоит аҳҭнықалақь ԥшӡа ахақәиҭтәра амш, иааиуа аныҳәа дугьы ҳлахҿыхны ҳгәы бзианы ҳаицаԥылартә еиԥш ҳазшаз алшара ҳаиҭааит. Аибашьраҿы игоу Аиааира аҭоурых аҟны изаҵәыкны инхааит, егьырҭ аихьӡарақәа зегьы аҭынч ԥсҭазаара иадҳәалазааит", - ҳәа наҵишьит Аахыҵ Уаԥстәыла ахада Анатоли Бибилов.Аешьаратә ҳәынҭқарраҟнытә иааз асасцәа ирԥылеит атәыла ахада ихаҭыԥуаҩ Бадра Гәынба, аминистрцәа реилазаара ахаҭарнакцәа, Гагра араион анапхгара, Ԥсахара ақыҭа ахадара. 

2021

Ажәабжьқәа

ab_AB

аԥсны, ажәабжьқәа