"Формула-1" Урыстәыла Гран-при иоуит британиатәи апилот Луис Хемилтон

© Sputnik / Владимир Астапкович / Амедиаҵәахырҭахь аиасраАвтоспорт. Формула 1. Гран-при России. Свободные заезды. Вторая сессия
Автоспорт. Формула 1. Гран-при России. Свободные заезды. Вторая сессия - Sputnik Аҧсны, 1920, 27.09.2021
Анапаҵаҩра
Адунеи ачемпионат "Формула-1" Урыстәыла Гран-при аицлабрақәа мҩаԥысуан Шәача цәыббра 24-26.
АҞӘА, цәыббра 27 - Sputnik. "Мерседес" британиатәи апилот Лиуис Хемилтон  "Формула-1" аҟны ашәктәи аиааира игеит  Formula 1 ВТБ Гран-При – 2021 аҟны Шәача.
"Ф-1" бжьынтәтәи ачемпион Хемилтон Урыстәыла Гран-при аҿы хәынтәуп даиааиуеижьҭеи. Уаанӡа 2014, 2015, 2018, 2019 шықәсқәа раангьы аԥыжәара игахьан. "Мерседес" апилот "Формула-1" аҭоурых аҟны даӡәыкны шә-иааирак иоухьеит. Аҩбатәи аҭыԥ игеит "Ред Булл" апилот Макс Ферстаппен, Нидерландиантәи, ахԥатәи – аиспанец Карлос Саинс-аиҵбы, "Феррари" ала.
Британиауаҩ Ландо Норрис "Макларен" аҟынтә аԥхьанатә аԥыжәара шимаз  аамҭак азы иццакра ирӡит. Норрис атрассагь дымҩахҟьеит аха абыжьбатәи аҭыԥ иманы афиниш ахь анеира илиршеит.
Урыстәылатәи "Хааса" апилот Никита Мазепин 18-тәи аҭыԥ игеит, акомандала ипартниор Мик Шумахер аболид атехникатә проблеақәа ирыхҟьаны аикәшара далҵит. Иара убасгьы афиниш аҟынӡа дзымнеиит аканадец Николас Латифи ("Уильямс").
Ачемпионат ушьҭантәи  аетап - Гран-при Ҭырқәтәыла  мҩаԥысуеит жьҭаара  8-10 рзы.
Ажәабжьқәа зегьы
0