https://sputnik-abkhazia.info/20210929/Beliaeva-COVID-19-ashtamm-delta-ashkaaraan-ainkubatsiat-aama-aarkait-1033302381.html

Белиаева: COVID-19 аштамм "дельта" ашьҭкаараан аинкубациатә аамҭа аҽаркьаҿит

Белиаева: COVID-19 аштамм "дельта" ашьҭкаараан аинкубациатә аамҭа аҽаркьаҿит

Sputnik Аҧсны

Аԥсны асанитартә ҳақьым хада Лиудмила Скорик аҳәамҭа ҟалҵеит Аԥсны еиҳа иалаҵәаны иҟоу COVID-19 аштамм "дельта" ауп ҳәа. 29.09.2021, Sputnik Аҧсны

2021-09-29T12:26+0300

2021-09-29T12:26+0300

2021-09-29T12:31+0300

аԥсны

ажәабжьқәа

https://cdnn1.img.sputnik-abkhazia.info/img/07e5/07/1a/1032910077_0:160:3073:1888_1920x0_80_0_0_2c82ae8efdef40c3647f9e3a5ba898ec.jpg

АҞӘА, цәыббра 29- Sputnik. Аҟәа ақалақь асанитар ҳақьым хада Алла Белиаева, акоронавирус ашколқәа рҿы аҭагылазаашьа ахҳәаа аҭо Аԥсуа телехәаԥшра аефир аҟны еиҭалҳәеит COVID-19 аштамм "дельта" ашьҭкаараан аинкубациатә аамҭа аҽаркьаҿит ҳәа. Абри атәы аанацҳауеит аҳҭнықалақь ахадара асаит.Белиаева лажәақәа рыла ахәыҷқәа рыбжьара ачымазара аҽарҭбаауа иалагеит. Цәыббра 11 азтәи адыррақәа рыла мчыбжьык аҩныҵҟа ааҩык чмазцәан, цәыббра 18 азтәи адыррақәа рыла – 35-ҩык, цәыббра 25 азы - 43-ҩык. Ачымазара еиҳарак амбулатортә форма аманы имҩасуеит.Асанитартә ҳақьым илҳәеит ашколхәыҷқәа рзы акарантинтә ҿҳәара мчыбжьык аҟынӡа идыркьаҿыр шауа, избан акәзар авирус аштамм "дельта" аинкубациатә аамҭа аҽахьаркьаҿыз азы."Аҽазныкгьы иҭаҳҵаауеит аҭҵаарадырратә дыррақәа анаҩс асеиԥш аӡбра ҳадаҳкылар алшоит", - лҳәеит Белиаева.Иааидкыланы Аҟәатәи ашколқәа рҿы акоронавирустә ҭагылазаашьа ҭышәынтәалоуп лҳәеит аҳақьым. Ашколқәа №12, №13 рҿы аӡәгьы дычмазаҩымхацт. Аҟәа зынӡа 15 школ ыҟоуп. Ачымазара аҽарҭбаар ашкол аркхар алшоит мчыбжьык аҩныҵҟа, аха аамҭак ала ашколқәа зегь раркра аҭахым ҳәа азылҳәоит Белиаева.

https://sputnik-abkhazia.info/20210928/Aara-aministrra-ashkola-adyrkueit-a-iro-akhaa-anaeit-1033295288.html

2021

Ажәабжьқәа

ab_AB

аԥсны, ажәабжьқәа