https://sputnik-abkhazia.info/20211006/Aslan-Bzhania-atyla-auaasyra-Gagra-akhaitra-amsh-rydinyaleit-1033360599.html

Аслан Бжьаниа атәыла ауааԥсыра Гагра ахақәиҭтәра амш рыдиныҳәалеит

Аслан Бжьаниа атәыла ауааԥсыра Гагра ахақәиҭтәра амш рыдиныҳәалеит

Sputnik Аҧсны

1992 шықәса жьҭаара 6 азы аԥсуа еибашьцәа Гагра араион ахы иақәиҭыртәит Қырҭтәыла Аҳәынҭсовет ар рҟынтәи. Аԥсны абираҟ Ԥсоутәи аҳәааҿы иахадыргылеит. 06.10.2021, Sputnik Аҧсны

2021-10-06T14:21+0300

2021-10-06T14:21+0300

2021-10-06T13:52+0300

аԥсны

ажәабжьқәа

https://cdnn1.img.sputnik-abkhazia.info/img/07e5/03/1e/1032115578_0:0:1500:848_1920x0_80_0_0_55dae661bf93d7debe2a7b8c603d7862.jpg

АҞӘА, жьҭаара 6 - Sputnik. Аԥсны ахада Аслан Бжьаниа атәыла ауааԥсыра Гагра ахақәиҭтәра амш 29-шықәса ахыҵра рыдиныҳәалеит ҳәа аанацҳауеит ахада ипресс-маҵзура."Ҳаҭыр зқәу Гаграа! Ҳаҭыр зқәу Аԥсны иқәынхо ажәлар! Гәык ала ишәыдысныҳәалоит Гагра ақалақь ахақәиҭтәра амш 29-шықәса ахыҵра. Ари арыцхә наунагӡа Аԥсны аҭоурых иазынхоит", - аҳәоит адныҳәаларатә текст аҿы.1992 шықәса жьҭаара 6 азтәи аиааира ахәшьара аҭара уадаҩуп, избанзар абри амш азы аҽеиҭанакит аибашьра ацашьа, ажәлар ргәы шьҭнахит, аӷа ииааира шалшоз агәра харҵеит ҳәа иҳәоит ахада."Ҳхы лаҳарҟәуеит Аԥсадгьыл ахьчаҩцәа рҿаԥхьа. Хашҭра рықәымзааит афырхацәа", - азгәеиҭоит Бжьаниа.Гагра араион ауааԥсыра ирзеиӷьеишьеит аҭынчра, аизҳазыӷьара, Аԥсны – ашәҭыкакаҷра.

https://sputnik-abkhazia.info/20211006/Gagra-araion-akhaitra-29-shysa-akhyra-azgareit-1033359897.html

2021

Ажәабжьқәа

ab_AB

аԥсны, ажәабжьқәа