"Гарант-Банк" артҟәацга аҵоуп ҳәа аҭел дасит ҳәа агәаанагара ззыҟоу ауаҩы дынкылоуп

© Sputnik / Томас ТхайцукНаручники
Наручники  - Sputnik Аҧсны, 1920, 14.10.2021
Анапаҵаҩра
Аԥсны Ашәарҭадаратә маҵзура имҩаԥнагеит аоператив-ԥшааратә уснагӡатәқәа "Гарант-Банк" артҟәацга аҵоуп ҳәа аҭел иасыз ауаҩы ихаҭара ашьақәыргыларазы.
АҞӘА, жьҭаара 14 – Sputnik. Аԥсны Ашәарҭадаратә маҵзуреи Аԥсны Аҩнуҵҟатәи аусқәа рминистрреи русзуҩцәа имҩаԥыргеит аоператив-ԥшааратә уснагӡатәқәа "Гарант-Банк" артҟәацга аҵоуп ҳәа аҭел иасыз ауаҩы ихаҭара ашьақәыргыларазы, ҳәа аанацҳауеит Аԥсны Ашәарҭадаратә маҵзура асаит.
Даанкылоуп Кәарацхьелиа Бесик Вальтер-иԥа, 1981 шықәса рзы ииз. Убри аан иара идбалоуп аҭел дызласыз.
© Foto / служба государственной безопасности Республики Абхазия Даанкылоуп Кәарацхьелиа Бесик Вальтер-иԥа
Подозреваемый в совершении ложного сообщения о заминировании - Sputnik Аҧсны, 1920, 14.10.2021
Даанкылоуп Кәарацхьелиа Бесик Вальтер-иԥа
Кәарацхьелиа иҿахәы иҿырхит, убри аан иара иҳәеит ацәгьоура игәы ишҭамыз, ииҭахыз ихатәы интересқәа рзы абанктә усура ашьақәҟьара акәын ҳәа.
Кәарацхьелиа иганахь ала ашьаус хацыркуп хышықәсанӡа аҭакра азыԥхьагәазҭо Аԥсны Ашьаустә Закәанеидкыла ахәҭаҷ 201 инақәыршәаны.
Кәарацхьелиа Аԥсны ААР иатәу аамҭалатәи абахҭахь днагоуп.
Ажәабжьқәа зегьы
0