Микрофон  - Sputnik Аҧсны, 1920
Арадио

Жьиԥҳа ақыҭанхамҩатә программазы: ас еиԥш адгылара алҵшәа бзиа аанашьҭуеит

Жьиԥҳа ақыҭанхамҩатә программазы: ас еиԥш адгылара алҵшәа бзиа аанашьҭуеит
Анапаҵаҩра
НовостиTelegram
Ақыҭанхамҩатә программа аҳәаақәа ирҭагӡаны 2021 шықәсазы Аԥснытәи анаплакыҩцәа аматериалқәеи ахархәагақәеи рыҭоуп. Аицлабратә комиссиа иалнакааз дреиуоуп аилахәыра "Smаrt Snack Аpsny" (Ихәарҭоу акакалкра) ашьаҭаркҩы Милана Жьиԥҳа.
Анаплакҩы Жьиԥҳа еиҭалҳәеит ҩышықәса инарзынаԥшуа ишҵуа лмаҵурҭаҟны ашәырқәа рырҩара далагеижьҭеи, анаҩс асоциалтә ҳаҟны лаалыҵ ӡырылгеит, уи иадҵаало аныҟала маҷ-маҷ лус амҽхак арҭбаара далагеит.
"…Аԥсны иҟоу адәқьанқәа рҿы саалыҵ сҭиуан, аха Урыстәылантәигьы иҳадҵаало ҳалагеит, избанзар ари ашәыррҩа ашьақар, ахимикат ҳәа акгьы амаӡам. Иҳаҳаит сынтәа ақыҭанхамҩатә программа 100 миллионк рҟынӡа шазоужьу. Арзаҳал алаҳҵан ақыҭанхамҩа акомиссиа Лӡаа иааит, аарыхырҭа хәыҷ иҳамоу иахәаԥшны ирбеит. Уажәы амаҭәахәқәа ҳзааргеит, иҭҳажьуа ҳаалыҵ аизырҳара алзыршо. Сгәаанагарала ҳаԥхьаҟа ҳаалыҵ атәыла анҭыҵгьы аҭира иаҳа ҳазыманшәалахоит", - лҳәеит Жьиԥҳа.
Лара лажәақәа рыла мчыбжьык ала тоннак инарзынаԥшуа ахәырма дырҩар рылшоит ироуз амаҭәахә ҿыц ала, убри алагьы хынтә еиҳаны иҭрыжьуеит шьҭа аалыҵ.
Ажәабжьқәа зегьы
0