Раионк аԥсҭазаараҟынтә: Ҵәыџьба амандарина ахаҭабзиареи ахәыи ирызкны
Раионк аԥсҭазаараҟынтә: Ҵәыџьба амандарина ахаҭабзиареи ахәыи ирызкны
Анапаҵаҩра
Гәылрыԥшь араион аҟны иҟоу анаплакы "Софиа" аиҳабы Витали Ҵәыџьба арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭеиҳәеит амандарина сынтәатәи рҽаҩра зеиԥшроу.
"Ҵыԥх аҽаҩра бзиан, 500 тонна инацны иаҳҭааит. Сынтәа имаҷу, 200 тонна рҟынӡа ҳақәгәыӷуеит, аха уигьы рацәак агәра ҳазгом. Арахь амшқәагьы маншәалам, иаҳзымҭааит. Ахаҭабзиара акәзар уамакала ибзиоуп, аахәаҩцәа иаҳзааиуа иазҿлымҳауп, ирҭахуп, аха имаҷны иҳамоуп сынтәа. Амандарина ибзиоу ҳәа иалхны иаҳҭиуеит, 50 мааҭ ҳәа ахә ақәаҳҵеит. Аусзуҩцәа анҭыҵынтә иаҳзаауан Урыстәыла, Украина, Донецктәи Лугансктәи ареспубликақәа рҟынтә, аха сынтәа шәмааин ҳәа раҳҳәеит. Уажәы аҭыԥантәи ауаа роуп иаҳзызҭаауа, кьылак азы 4 мааҭк рзаҳшәоит", - иҳәеит Ҵәыџьба.
Шәазыӡырҩы аудио.
