Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны аҵареи абызшәатә политикеи рминистр Минск иҟазаара далацәажәеит

© Foto / РОО "Белая Русь"Министр просвещения и языковой политики Абхазии Инал Габлия и заместитель секретаря Совбеза республики Даур Кове находятся с визитом в Минске.
Министр просвещения и языковой политики Абхазии Инал Габлия и заместитель секретаря Совбеза республики Даур Кове находятся с визитом в Минске.  - Sputnik Аҧсны, 1920, 02.12.2021
Анапаҵаҩра
Аԥсны Аҵареи абызшәатә политикеи рминистр Инал Габлиеи Аԥсны Ашәарҭадаратә хеилак амаӡаныҟәгаҩ ихаҭыԥуаҩ Даур Ақаҩбеи Минск иҟоуп.
АҞӘА, ԥхынҷкәын 2 - Sputnik. Аҵара аусхки аполитикатә партиақәа рганахьала аусеицура азҵаарақәа ирылацәажәеит Аԥсны Аҵареи абызшәатә политикеи рминистр Инал Габлиеи, Аԥсны Ашәарҭадаратә хеилак амаӡаныҟәгаҩ ихаҭыԥуаҩ Даур Ақаҩбеи урҭ белоруссиатәи рколлегацәеи. Абри атәы Sputnik Аԥсны иазеиҭеиҳәеит Инал Габлиа.
Иара иажәақәа рыла, Минск имҩаԥысит ареспубликатә уаажәларратә еидгыла "Белая Русь" ахантәаҩы ихаҭыԥуаҩ Александр Шатькои дареи реиԥылара.
В Приморье возобновили обучение детей в малокомплектных школах - Sputnik Аҧсны, 1920, 01.12.2021
Аԥсны
Аԥсны аҵара аминистрра 2018 шықәса раахыс раԥхьаӡа акәны ашколтә маҭәахәқәа аанахәеит
Аганқәа аҵара аусхки аполитикатә партиақәа рганахьала аусеицура азҵаарақәа ирылацәажәеит
Аиԥылараҿ иалыршан "Белая Руси" "Иаку Аԥсни" рыбжьара аиқәшаҳаҭра ԥхьаҟатәи апроектқәа реицнагӡараз.
Габлиа иҳәеит аԥсуа делегациа Белоруссиа ашәҟәыҩҩцәа реидгылаҿы аиԥылара шрымаз. Белоруссиеи Аԥсни рышәҟәыҩҩцәа реидгылақәа рыбжьара аиқәшаҳаҭра анапаҵаҩра иалацәажәеит.
Минск имҩаԥысит апрофессионалтә ҵара Ареспубликатә институт аректор иԥылара.
"Аусеицуразы аиқәшаҳаҭра ҳабжьаҵара ҳалацәажәеит. Иазыԥхьагәаҭоуп Белоруссиа Аҵара аминистр иԥылара. Иара убасгьы Белоруссиатәи аҳәынҭқарратә университет анапхгара рԥылара ҳгәы иҭоуп", - иҳәоит Габлиа.
Инал Габлиа иҭабуп ҳәа ахыиҳәааит Белоруссиа ахада Александр Лукашенкои белоруссиатәи рколлегацәеи Аԥсны жәларбжьаратәи аренаҿы адгылара ахьарҭо азы.
Ажәабжьқәа зегьы
0