Микрофон  - Sputnik Аҧсны, 1920
Арадио

Хра злоу ахҭысқәа: Чамагәуа Арепатриациа афонд абиуџьет иазкны

Хра злоу ахҭысқәа: Чамагәуа Арепатриациа афонд абиуџьет иазкны
Анапаҵаҩра
Арепатриациа афонд аиҳабы Енвер Чамагәуа арадио Sputnik аефир аҟны еиҭеиҳәеит иааиуа ашықәсазы афонд аԥара ззырхахо, ари сынтәа аԥара хархәашьас иаиуз атәы.
Аԥсны аиҳабыра реилазаара 2022 шықәсазтәи абиуџьет апроект шьақәдырӷәӷәеит. Ареспубликатә биуџьет апроект атәыла ахада иусбарҭахь инашьҭуп, уаантәи Жәлар реизарахь инашьҭхоит анаҩстәи алацәажәареи адкылареи рзы. Сынтәатәи абиуџьет иаҿырԥшны ҳаԥхьаҟатәи абиуџьет апроект уамак аиҭакрақәа амоуӡеит, иҳәеит Арепатриациа афонд аиҳабы Енвер Чамагәуа.
"COVID-19 иаҟьаны апроектқәа инаҳгӡарц иаҳҭахыз алшара ҳмоуӡеит рымҩаԥгара. Иҟоуп ҳазлагаз, аха анагӡара аганахьала егьи ашықәс азы ԥшӡала имҩаԥаҳгап ҳәа ҳгәыӷуеит. Ҳбиуџьет иааиуа ашықәс азы 209 миллионк ҟалоит, сынтәатәи иаҿырԥшны 22 миллион рыла еиҳахоит", - иҳәеит Чамагәуа.
Иааиуа ашықәс азы Арепатриациа афонд абиуџьет апроект аҟны иарбоуп аргыларатә усурақәа 117,6 миллион мааҭ рзоужтьра, урҭ рахьынтә13 миллион мааҭ (арепатриантцәа рарзаҳалқәа рыла) ауадакуа рремонт аҟаҵаразы. Ари ахәҭаҷ иаанаго, иргылахо арбану, иаба, еиҭашьақәыргылатәу ауадақәа ҳәа зыӡбахә арбоу закәу уҳәа азҵаарақәа рҭак ҟаиҵеит Арепатриациа афонд аиҳабы.
Ажәабжьқәа зегьы
0