"Софичка" ҭызхыз Кира Коваленко лфильм "Оскар" аиуразы асиа кьаҿ иақәымшәеит
© AFP 2023
Анапаҵаҩра
Аԥхьахә аноминантцәа рыӡбахә рҳәоит жәабран 8 рзы. Аԥхьахә аҭара ацеремониа мҩаԥгахоит Лос-Анџьелес, хәажәкыра 27 рзы.
Аҟәа, ԥхынҷкәын 22 – Sputnik. Урыстәылатәи арежиссиор Кира Коваленко лфильм "Аҭаҷкәымқәа аартуа" ("Разжимая кулаки") (аноминациа "Иреиӷьу аҳәаанырцәтәи афильм") официалла акиноакадемиа "Оскар" аԥхьахә аиуразы еиндаҭло 15 усумҭа рсиа кьаҿ иақәымшәеит ҳәа аарыцҳауеит аиҿкааҩцәа.
15-ҩык аиндаҭлаҩцәа рҟынтә асиа кьаҿ ианылеит финтәи акиносахьа "Акупе №6", финлиандиатәи астудентка Москвантәи Мурманскҟа лныҟәара иазку, иара убасгьы Австриа, Бельгиа, Бутан, Косово, Мексика, Панама, Испаниа рҟынтәи аусумҭақәа.
Аноминациа "Иреиӷьу аҳәаанырцәтә сахьаркыратә фильм" иалахәхар рылшоит 40 минуҭ еиҳаны ицо, 50% адиалогқза ианглыз бызшәамкәа иҟоу акиносахьа. Сынтәа "Оскар" азы абри акатегориа алахәхаразы азыҳәақәа нарышьҭит 93 тәыла.
"Аҭаҷкәымқәа аартуа" аԥхьарбара мҩаԥган 74-тәи Каннатәи жәларбжьаратәи акинофестиваль аҿы. Канна аиндаҭларатә программа "Агәаанагара ҷыда" аҿы урыстәылатәи акиносахьа раԥхьаӡа акәны Гран-при аиуит.
