https://sputnik-abkhazia.info/20211223/zyshkha-ias-eikhymsyua-aau-any-apoet-vladimir-anab-ishy-ayrgara-maysit-1036892318.html

"Зышьха ӡиас еихымсыӷьуа": апоет Владимир Анқәаб изку ашәҟәы аӡыргара мҩаԥысит

"Зышьха ӡиас еихымсыӷьуа": апоет Владимир Анқәаб изку ашәҟәы аӡыргара мҩаԥысит

Sputnik Аҧсны

Аԥсуа поет, аҵарауаҩ, апатриот Владимир Анқәаб изку ашәҟәы "Зышьха ӡиас еихымсыӷьуа" еиднакылеит астатиақәа, арецензиақәа, агәалашәарақәа. 23.12.2021, Sputnik Аҧсны

2021-12-23T22:15+0300

2021-12-23T22:15+0300

2021-12-23T22:25+0300

аԥсны

акультура

ажәабжьқәа

https://cdnn1.img.sputnik-abkhazia.info/img/07e5/0c/17/1036892785_0:120:1280:840_1920x0_80_0_0_4c3d97d2abae32d6c56a6b131ac5aa72.jpg

АҞӘА, ԥхынҷкәын 23 - Sputnik, Наала Гәымԥҳа. Владимир Анқәаб изку ашәҟәы "Зышьха ӡиас еихымсыӷьуа" аӡыргара мҩаԥысит Аԥснытәи аҳәынҭқарратә университет аҟны, ԥхынҷкәын 23 рзы.Аӡыргара аартуа, уи аиқәыршәаҩ, Владимир Анқәаб ихьӡ зху алитературатә кабинет аиҳабы Ахра Анқәаб дазааҭгылеит ашәҟәы аҭыҵра аҭоурых. Иара иажәақәа рыла, 2009 шықәсазы ААУ аҟны иаартын Владимир Анқәаб ихьӡ зху аԥсуа литературатә кабинет. Усҟан ирыдкылаз аусуратә план инақәыршәаны иӡбан Владимир Анқәаб иԥсҭазаареи, ирҿиареи, иара аҵара зирҵоз иҵаҩцәеи ргәалашәарақәа уҳәа, еидкыланы шәҟәыкны аҭыжьра.Анқәаб иазгәеиҭеит ашәҟәы аҭыжьра шазгәаҭаз 2018 шықәсазы, апоет 90 шықәса ихыҵра инадҳәаланы, аха еиуеиԥшым аҭагылазаашьақәа ирыхҟьаны ашәҟәы аҭыҵра ԥыҭрак инаскьагахеит.Ашәҟәы аиқәыршәараҟны ллагала дууп, уи аӡыргара иахьымӡаз, изаамҭанымкәан зыԥсҭазаара иалҵыз апоет иԥшәмаԥҳәыс аҵарауаҩ, апоет, ААУ адоцент Лиудмила Хьыбба."Лиудмила Арзамеҭ-иԥҳа лџьабаа адуп ашәҟәы аиқәыршәара. Иҟан иҷыдаз анапылаҩырақәа, урҭ еидкыланы иҳадылгалеит, еиҳараӡак иара ихаан аҵара зирҵоз истудентцәа, напхгара зиҭоз аиҿкаартә гәыԥ алахәылаҩцәа, иахьа абжьаратә аиҳабыратә абиԥара ирыҵаркуа ашәҟәыҩҩцәа, апоетцәа ирхаҭарнакцәоу аӡәырҩы ргәалашәарақәа аизга ианылеит", - иҳәеит Ахра Анқәаб.Ажурналист, Аԥснытәи аҳәынҭқарратә университет апрофессор Екатерина Бебиа илҳәеит Владимир Анқәаб астудентцәа дышрыхӡыӡаауаз, дышуаҩ ииашаз:"Владимир Анқәаб иеиԥш иҟаз арҵаҩцәа ҳлитература аизырҳараҟны, ашьақәгылараҟны рлагала даараӡа ирацәоуп. Агәыблыреи ажәа хааи дрыԥсахеит ҳпоет. Астудентцәа дрыхӡыӡаауан, дуаҩ ииашан, рыстуденттә ԥсҭазаара шьаҟа ӷәӷәаны даҵагылан", - ҳәа азгәалҭеит лара.Ашәҟәы аӡыргара далахәын Владимир Анқәаб иԥҳа Гәында Анқәабԥҳа. Уи лажәақәа рыла, лара лзыҳәаны лҭаацәа ргәалашәара амырӡра еиҳау баҟоуп, ихәырбӷьыцуп."Сан аҵыхәтәантәи аамҭазы илҳәоз акакәын: "ашәҟәы аӡыргара сахьӡандаз, уи аҵыхәтәантәи сышәҟәы ауп" - ҳәа. Ашәҟәы аҭыҵра дахьӡеит, аха аӡыргара дахьымӡеит. Сара сзыҳәан сани саби ргәалашәара даараӡа акраҵанакуеит, иҭабуп уи агәалашәара иаҵагылоу, еихазҳауа", - лҳәеит лара.Зыԥсҭазаареи зырҿиареи зегьы зыжәлар рлахьынҵа иадҳәалаз Владимир Анқәаб акьыԥхь аҿы дцәырҵуеит 1954 шықәсазы. Апоезиатә еизгақәа иҭижьыз иреиуоуп: "Сышьха ӡиас" (1958), "Бзыԥ аԥшаҳәа" (1960), "Сышьха хыҵырҭа" (1971), "Асхыс" (1975), "Иалкаау" (1987), иажәеинраалоу ароманқәа "Абрыскьыл" (1960), "Ааԥыни анаҟәи" (1980). Владимир Анқәаб афилологиатә ҭҵаарадыррақәа ркандидат ҳәа ахьӡ ихьчеит аԥсуа поема азҵаарақәа рыла.Владимир Анқәаб иааӡамҭацәа, истудентцәа рыбзиабара даԥсахеит, урҭ рыԥсҭазаара ахьеилашуаз еснагь дрылагылан, рыгәҭыха игәҭыхан, рхьаа ихьаан. Аԥсуа литература иазынижьит хәы змаӡам аԥҵамҭа шьахәқәа.

https://sputnik-abkhazia.info/20210108/Aray-aaa-amaa-Liudmila-Khybba-lgalarsharazy-1031581407.html

https://sputnik-abkhazia.info/20210308/Amtsa-zytsraz-apoet-Vladimir-Anab-izkny-1031954914.html

https://sputnik-abkhazia.info/20180223/arzayi-vladimir-ankuab-ipstasaarei-irchiarei-ishlarei-rlahinza-iadhualan-1023229721.html

2021

Ажәабжьқәа

ab_AB

акультура, ажәабжьқәа