https://sputnik-abkhazia.info/20211229/apua-igalairsheit-ashys-yts-anya-alamalaz-mragylarati-afront-any-itsoz-azhylara-du-1036965347.html
Џьапуа игәалаиршәеит Ашықәс ҿыц аныҳәа аламҭалаз Мрагыларатәи афронт аҟны ицоз ажәылара ду
Џьапуа игәалаиршәеит Ашықәс ҿыц аныҳәа аламҭалаз Мрагыларатәи афронт аҟны ицоз ажәылара ду
Sputnik Аҧсны
Ашықәс ҿыц аныҳәа аламҭалаз Аԥсны Аџьынџьтәылатә еибашьраан Мрагыларатәи афронт аҿы аидыслара ӷәӷәақәа цон. Афронт аштаб аиҳабыс иҟаз Баҭал Џьапуа... 29.12.2021, Sputnik Аҧсны
2021-12-29T20:00+0300
2021-12-29T20:00+0300
2021-12-29T21:02+0300
арадио
аԥсны
аподкаст
https://cdnn1.img.sputnik-abkhazia.info/img/07e5/0c/1d/1036965596_0:0:2000:1125_1920x0_80_0_0_7c3af392e217273738b9232ca50d8c48.jpg
Џьапуа игәалаиршәеит Ашықәс ҿыц аныҳәа аламҭалаз Мрагыларатәи афронт аҟны ицоз ажәылара ду
Sputnik Аҧсны
Џьапуа игәалаиршәеит Ашықәс ҿыц аныҳәа аламҭалаз Мрагыларатәи афронт аҟны ицоз ажәылара ду
"Аидыслара ӷәӷәа иалагеит амза 26 рзы (ԥхынҷкәын - азгәаҭа) ашьыжь асааҭ фба ҟалаанӡа 15 минуҭ шагыз. Аҭара ақыҭа инаркны Бедианӡа Мрагыларатәи афронт ацәаҳәа амҽханакит, 80 километра инареиҳаны зныкала еицжәылеит ақырҭцәа аҩбатәи рбригада, нас "Гал араион амилаҭтә гвардиа", "Цхум-Цалинџьыхтәи абригада" ҳәа иҟаз, урҭ ирылахәын Аҟәа игылаз Гәымсҭа афронт ацәаҳәа зкыз. Уахьынтәи ииаганы иааргеит цхыраара ҳәа актәи абригада амчқәа, арезерв ҳәа Гәылрыԥшь араион аҟны ирымаз, уи адагьы агәыԥқәа Қарҭынтәи, Русҭави, Кәҭешьи рҟынтәи иааргеит. Убарҭ зегьы рҽеидкыланы иҳажәлеит. Зныкала ижәылоз инықәырԥшшәа хԥа-ԥшьба нызқь иреиҵамызт. Урҭ ирыцхраауан артиллериа, авиациа, акәылӡтәы техника. Уи зларылшаз дара, уи аамҭазы Гәымсҭа афронт аҟны аԥсуааи ақырҭцәеи жәымш ҳәа аамҭалатәи аинышәара (апатла) рыбжьаҵан. Убри аамҭалатәи аинышәара аныҟарҵоз Мрагыларатәи афронт адмырбаӡеит. Ақырҭцәа убри агха ду рхы иархәаны, ирымаз амчқәа ааизырган, зныкала Мрагыларатәи афронт азҵаара рыӡбарц ргәы иҭакны ижәылеит. Ажәылара амза 29-нӡа ицон", - иҳәеит Џьапуа.Иара иазгәеиҭеит уи ажәылара ду аан аԥсуаа аӷацәа ирцәыргаз адгьылҵакырақәа хәажәкырамзанӡа идырхынҳәуан еибашьны."Амчқәа еиҿырԥшышьа рымаӡам. Ҳара абџьар азы даара ҳкьасан, аџьаԥҳаны - зынӡа ергьҳәа. Усгьы ҳзышьцылаз акәын, ирымаҳхыз абџьар ала ҳрабашьуан. Аҷкәынцәа аԥышәа рыман, маанала еибашьит, иахьаҭахыз иаҿагылеит, иахьаҭахымыз - инаскьеит. Абџьар аҟамзаара адагьы еицәан аҵаа, асы, ахьҭа. Ахыҵакырҭа умоуа, аҭабиа иҭатәаз "ҳаԥсуазаргьы, ҳҭыҵӡом" ҳәа еимаада, маҭәада, фатәыда абарҭ амшқәа зегьы даараӡа иуадаҩны ирхыргеит. Абас еиԥш ахаҵара аазырԥшыз иахьа санрыхәаԥшуа хәыҷык иџьасшьоит рхымҩаԥгашьа", - иҳәеит Џьапуа.Иара убасгьы игәалаиршәеит уи ажәылара ду ашьҭахь Ашықәс ҿыц аныҳәа ишаԥылаз.Аицәажәара шәаҳар шәылшоит аудиофаил аҟны.
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Џьапуа игәалаиршәеит Ашықәс ҿыц аныҳәа аламҭалаз Мрагыларатәи афронт аҟны ицоз ажәылара ду
20:00 29.12.2021 (ирҿыцуп: 21:02 29.12.2021) Ашықәс ҿыц аныҳәа аламҭалаз Аԥсны Аџьынџьтәылатә еибашьраан Мрагыларатәи афронт аҿы аидыслара ӷәӷәақәа цон. Афронт аштаб аиҳабыс иҟаз Баҭал Џьапуа игәалаиршәеит урҭ амшқәа.
"Аидыслара ӷәӷәа иалагеит амза 26 рзы (ԥхынҷкәын - азгәаҭа) ашьыжь асааҭ фба ҟалаанӡа 15 минуҭ шагыз. Аҭара ақыҭа инаркны Бедианӡа Мрагыларатәи афронт ацәаҳәа амҽханакит, 80 километра инареиҳаны зныкала еицжәылеит ақырҭцәа аҩбатәи рбригада, нас "Гал араион амилаҭтә гвардиа", "Цхум-Цалинџьыхтәи абригада" ҳәа иҟаз, урҭ ирылахәын Аҟәа игылаз Гәымсҭа афронт ацәаҳәа зкыз. Уахьынтәи ииаганы иааргеит цхыраара ҳәа актәи абригада амчқәа, арезерв ҳәа Гәылрыԥшь араион аҟны ирымаз, уи адагьы агәыԥқәа Қарҭынтәи, Русҭави, Кәҭешьи рҟынтәи иааргеит. Убарҭ зегьы рҽеидкыланы иҳажәлеит. Зныкала ижәылоз инықәырԥшшәа хԥа-ԥшьба нызқь иреиҵамызт. Урҭ ирыцхраауан артиллериа, авиациа, акәылӡтәы техника. Уи зларылшаз дара, уи аамҭазы Гәымсҭа афронт аҟны аԥсуааи ақырҭцәеи жәымш ҳәа аамҭалатәи аинышәара (апатла) рыбжьаҵан. Убри аамҭалатәи аинышәара аныҟарҵоз Мрагыларатәи афронт адмырбаӡеит. Ақырҭцәа убри агха ду рхы иархәаны, ирымаз амчқәа ааизырган, зныкала Мрагыларатәи афронт азҵаара рыӡбарц ргәы иҭакны ижәылеит. Ажәылара амза 29-нӡа ицон", - иҳәеит Џьапуа.
Иара иазгәеиҭеит уи ажәылара ду аан аԥсуаа аӷацәа ирцәыргаз адгьылҵакырақәа хәажәкырамзанӡа идырхынҳәуан еибашьны.
"Амчқәа еиҿырԥшышьа рымаӡам. Ҳара абџьар азы даара ҳкьасан, аџьаԥҳаны - зынӡа ергьҳәа. Усгьы ҳзышьцылаз акәын, ирымаҳхыз абџьар ала ҳрабашьуан. Аҷкәынцәа аԥышәа рыман, маанала еибашьит, иахьаҭахыз иаҿагылеит, иахьаҭахымыз - инаскьеит. Абџьар аҟамзаара адагьы еицәан аҵаа, асы, ахьҭа. Ахыҵакырҭа умоуа, аҭабиа иҭатәаз "ҳаԥсуазаргьы, ҳҭыҵӡом" ҳәа еимаада, маҭәада, фатәыда абарҭ амшқәа зегьы даараӡа иуадаҩны ирхыргеит. Абас еиԥш ахаҵара аазырԥшыз иахьа санрыхәаԥшуа хәыҷык иџьасшьоит рхымҩаԥгашьа", - иҳәеит Џьапуа.
Иара убасгьы игәалаиршәеит уи ажәылара ду ашьҭахь Ашықәс ҿыц аныҳәа ишаԥылаз.
Аицәажәара шәаҳар шәылшоит аудиофаил аҟны.
