Микрофон  - Sputnik Аҧсны, 1920
Арадио

Еныкь еиҭеиҳәеит 2021-тәи ашықәс Аҿар ртеатр азы изеиԥшраз атәы

Еныкь еиҭеиҳәеит 2021-тәи ашықәс Аҿар ртетар азы изеиԥшраз атәы
Анапаҵаҩра
Иҳаҩсыз ашықәс азы Аҿар ртеатр ауснагӡатәқәа рҿы иарбази, урҭ рахьынтә зынагӡара алыршахази атәы арадио Sputnik иазеиҭеиҳәеит Аԥсуа ҳәынҭқарратә Аҿар ртеатр аиҳабы Аслан Еныкь.
"2021-тәи ашықәс акультура ахәшҭаарақәа зегьы ауадаҩра иҭагылан. Аԥкрақәа рацәаны иҟан. Иҟаҳаҵаран иаҳҭахыз ҳусқәа абжа еиҭабжа ҳалымшеит. Иҳаҩсыз ашықәсаз ауснагӡатә иарбаз аспектакльқәа рҟнытә акоуп иҳалшаз ақәыргылара. Уи Шьалуа Гыцба иқәыргыламҭа "Амшаԥаҽны" ауп. Ҩынтә-хынтә ахәмарра ҳахьӡеит, уаҳагьы аҭагылазаашьа ҟамлеит. Иазгәаҭаны иҳаман агастрольтә плангьы. Уи аганахьала ҩ-қалақьк ҳрылсит", - ҳәа еиҭеиҳәеит Еныкь.
Аҿар ртеатр аиҳабы еиҭеиҳәеит атәыла анҭыҵ афестивальқәа рахь рцара шыҟалаз, ахәаԥшцәа аспектакльқәа шрыдыркылаз, насгьы, актиорцәа Аԥсны анҭыҵ рцара ирнаҭаз атәы далацәажәеит.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0