Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Очамчыра араион ахада Беслан Бигәаа аамҭала имаҵураҟынтә ихы дақәиҭтәуп

© Sputnik / Томас ТхайцукБеслан Бигвава
Беслан Бигвава - Sputnik Аҧсны, 1920, 04.01.2022
Анапаҵаҩра
Беслан Бигәаа Очамчыра араион ахадас дҟаҵан ԥхынгәы 1 2021 шықәсазы.
АҞӘА, ажьырныҳәа 4 - Sputnik. Аԥсны ахада Аслан Бжьаниа иусԥҟала Очамчыра араион ахада Беслан Бигәаа аамҭала имаҵураҟынтә ихы дақәиҭтәуп, абри атәы аанацҳауеит Аҳәынҭқарра ахада ипресс-маҵзура.

"Очамчыра араион ахада Бигәаа Б.Б. аамҭала имаҵураҟынтә ихы дақәиҭтәызааит заанаҵтәи аусҭҵаарақәа цонаҵы", - ҳәа азгәаҭоуп Бжьаниа иусԥҟа аҟны.

Иара ари аусԥҟала Очамчыра араион ахада инапынҵақәа рынагӡара идҵоуп араион ахада актәи ихаҭыԥуаҩ Габелаиа Артемон.
Беслан Бигәаа Очамчыра араион ахадас дҟаҵан ԥхынгәы 1 2021 шықәсазы.
Иаофициалтәым аинтернет ҳақәа рыҟны иркьыԥхьит, Беслан Бигәаа ашықәс ҿыц ауха Аҟәа акьафурҭа "Гаруда" аҟны аҭыԥ змаз ахысра далахәын ҳәа. Ари ахҭыс Беслан Бигәаа далахәын ҳәа ишьақәырӷәӷәаӡам. Аҟәа Аҩнуҵҟатәи аусқәа русбарҭа ашьаусԥшааратә ҟәша ашьаус хацнаркит ахаҵа ихәразы.
Машины милиции Абхазии  - Sputnik Аҧсны, 1920, 02.01.2022
Аԥсны
Ашьаус хацыркуп Аҟәа қьафурҭак аҿы Ашықәс ҿыц ауха ахаҵа ахәра ахьоуз азы
Ажәабжьқәа зегьы
0