https://sputnik-abkhazia.info/20220122/amshyn-ikhshylo-rakhati-zhlarbzharati-ashakhmat-eitslabra-tamsh-ishymaysua-1037249369.html
Амшын ихԥшыло: раԥхьатәи жәларбжьаратәи ашахмат еицлабра Тамшь ишымҩаԥысуа
Амшын ихԥшыло: раԥхьатәи жәларбжьаратәи ашахмат еицлабра Тамшь ишымҩаԥысуа
Sputnik Аҧсны
Раԥхьатәи жәларбжьаратәи ашахматтә еицлабра "Аԥсны.Тамшь-Village 2022" аатит ажьырныҳәа 22 азы. Аицлабра иалахәуп Аԥсни Урыстәылеи рыспортсменцәа. 22.01.2022, Sputnik Аҧсны
2022-01-22T18:30+0300
2022-01-22T18:30+0300
2022-01-22T21:11+0300
аԥсны
ажәабжьқәа
очамчыра араион
аспорт
https://cdnn1.img.sputnik-abkhazia.info/img/07e6/01/16/1037246844_0:161:3067:1886_1920x0_80_0_0_c0187571ff47d0388f8bd2ebe29952a1.jpg
Аицлабра ахьымҩаԥысуа, ишымҩаԥысуа, иарбан гәалаҟазаароу ирымоу абарҭқәа ртәы Sputnik аматериал аҟны.Наала Гәымԥҳа, SputnikАшахмат аԥшаҳәаҟныАҧсны ахәыҷы инаиркны абырг иҟынӡа ашахмат асра бзиа ирбоит. Уи арҵабыргразы хара ацара аҭахӡам, ахәылбыҽха Аҟәатәи аҧшаҳәа унықәлар, иубоит еиуеиҧшым абиҧарақәа ирыҵаркуа Брехаловка атәарҭа хәыҷқәа ирыдтәаланы ахәмарра ишаҿу. Ашахмат бзиа ибаны ахәмарра адагьы, ашықәс аҩнуҵҟа акырынтә Аԥсны ашахмат азы Афедерациа аҭыҧантәи аспортсменцәеи егьырҭ атәылақәа рҟынтәи иаауа асасцәеи злахәу аицлабрақәа мҩаҧнагахьеит. Изаамҭанытәиу аицлабрақәа рымҩаҧгаразы аҭыҧ џьашьахәы алырхит - иҳаҩсыз ашықәс азы иахьатәи аамҭа иақәшәо акоттеџьтә комплекс ахьаатыз Тамшь ақыҭа аҧшаҳәа. Арахь иааит ҳтәыла зегь аҟынтәи ашахмат асыҩцәеи Урыстәыла ақалақьқәа рҟынтәи алахәылацәеи. Урҭ дыруаӡәкуп Максим Луговои. Минутқәак рыла актәи аиндаҭлара аҟны аиааира ганы, дазыҧшын аҩбатәи аиҧылара. Уи Аҧсны раҧхьаӡакәны дааит, аиааирагьы игап ҳәа игәы иҭоуп. Аицлабра аиҿкааҩцәа аҿкчымазара азгәаҭаны "Аԥсны.Тамшь-Village 2022" алахәылацәа еихшаны асоциалтә бжьаӡара рыбжьаҵаны ҩ-залк рҿы ихәмаруеит.Аҟазацәеи ашахмат абзиабаҩцәеиТамшь имҩыҧысуа раԥхьатәи ашахматтә еицлабра алахәылацәа рыбжьара иҟоуп агроссмеистерцәа жәларбжьаратәи аицлабрақәа рҟны аиааира згахьоу реиԥш, ашахмат абзиабаҩцәагьы.Атурнир мҩаҧысуеит швеицариатәи асистемала 12 тур рыла, алахәылацәа алырхуеит акомпиутертә ҵәҭаԥсарала. Аиҧыларақәа мҩаҧысуеит 15 минуҭ ирылгӡаны.Аицлабра “Аҧсны.Тамшь-Village 2022” мҩаҧыргоит аспорт азы Аԥсны Аҳәынҭеилакыи Аԥсны ашахмат азы Афедерациеи Аԥсны аҵареи абызшәатә политикеи рминистрра ацхыраара ала. Афинанстә цхыраара ҟарҵеит "Универсал банк", "Амобаил", Гәылрыԥшь араион ахадара.Sputnik Аԥсны аинформациатә дгылара анаҭоит Жәларбжьаратәи атурнир "Аԥсны.Тамшь-Village 2022".Аиааира згаз ианашьахоит 500 нызқь мааҭ."Тамшь Village" - ари амшын аԥшаҳәаҿы игылоу 1000-ҩык зкуа ҳаамҭа иақәшәо коттеџьтә комплексуп, уи аргыларазы аинвестициақәа аланаҵеит урыстәылатәи атуристтә еилахәыра "Библио-Глобус". Иара аартын 2021 шықәса ԥхынгәымза алагамҭазы.
https://sputnik-abkhazia.info/20220122/tamsh-iaatit-zhlarbzharati-ashakhmatt-eitslabra--1037245717.html
очамчыра араион
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, очамчыра араион, аспорт
ажәабжьқәа, очамчыра араион, аспорт
Амшын ихԥшыло: раԥхьатәи жәларбжьаратәи ашахмат еицлабра Тамшь ишымҩаԥысуа
18:30 22.01.2022 (ирҿыцуп: 21:11 22.01.2022) Раԥхьатәи жәларбжьаратәи ашахматтә еицлабра "Аԥсны.Тамшь-Village 2022" аатит ажьырныҳәа 22 азы. Аицлабра иалахәуп Аԥсни Урыстәылеи рыспортсменцәа.
Аицлабра ахьымҩаԥысуа, ишымҩаԥысуа, иарбан гәалаҟазаароу ирымоу абарҭқәа ртәы Sputnik аматериал аҟны.
Аҧсны ахәыҷы инаиркны абырг иҟынӡа ашахмат асра бзиа ирбоит. Уи арҵабыргразы хара ацара аҭахӡам, ахәылбыҽха Аҟәатәи аҧшаҳәа унықәлар, иубоит еиуеиҧшым абиҧарақәа ирыҵаркуа Брехаловка атәарҭа хәыҷқәа ирыдтәаланы ахәмарра ишаҿу.
Ашахмат бзиа ибаны ахәмарра адагьы, ашықәс аҩнуҵҟа акырынтә Аԥсны ашахмат азы Афедерациа аҭыҧантәи аспортсменцәеи егьырҭ атәылақәа рҟынтәи иаауа асасцәеи злахәу аицлабрақәа мҩаҧнагахьеит.
22 Ажьырныҳәа 2022, 13:26
Изаамҭанытәиу аицлабрақәа рымҩаҧгаразы аҭыҧ џьашьахәы алырхит - иҳаҩсыз ашықәс азы иахьатәи аамҭа иақәшәо акоттеџьтә комплекс ахьаатыз Тамшь ақыҭа аҧшаҳәа.
Арахь иааит ҳтәыла зегь аҟынтәи ашахмат асыҩцәеи Урыстәыла ақалақьқәа рҟынтәи алахәылацәеи.
Урҭ дыруаӡәкуп Максим Луговои. Минутқәак рыла актәи аиндаҭлара аҟны аиааира ганы, дазыҧшын аҩбатәи аиҧылара. Уи Аҧсны раҧхьаӡакәны дааит, аиааирагьы игап ҳәа игәы иҭоуп.
"Жәы-шықәса зхыҵуаз ахәҷы сицхәмаруан, ахәмарра бзианы ицеит, идебиут бзианы дыхәмарит, ахәмарра агәҭаны иҧышәа иныҧшит. Макьана зегьы бзианы имҩаҧысуеит. Сара жәларбжьаратәи гроссмеистеруп, ҧшьынтә Европа саиааихьеит, Адунеи ачемпион аҟны аџьаз саҧсахахьеит, атәылақәа жәпакы сырҭаахьеит", - иҳәеит иара.
Аицлабра аиҿкааҩцәа аҿкчымазара азгәаҭаны "Аԥсны.Тамшь-Village 2022" алахәылацәа еихшаны асоциалтә бжьаӡара рыбжьаҵаны ҩ-залк рҿы ихәмаруеит.
Аҟазацәеи ашахмат абзиабаҩцәеи
Тамшь имҩыҧысуа раԥхьатәи ашахматтә еицлабра алахәылацәа рыбжьара иҟоуп агроссмеистерцәа жәларбжьаратәи аицлабрақәа рҟны аиааира згахьоу реиԥш, ашахмат абзиабаҩцәагьы.
Атурнир мҩаҧысуеит швеицариатәи асистемала 12 тур рыла, алахәылацәа алырхуеит акомпиутертә ҵәҭаԥсарала. Аиҧыларақәа мҩаҧысуеит 15 минуҭ ирылгӡаны.
" Жәаҩа тур рлыҵшәақәа рыла иалкаахоит зегь реиҳа иӷәӷәоу, ари аицлабра аҟны иаиааиз ҳәа иҧхьаӡоу. Иара убасгьы, еиуеиҧшым акатегориақәа рыла аԥхьаҳә ҭыԥқәа аанызкыло. Иҟоуп аветеранцәа ркатегориала, амилаҭтә реитинг змоу аветеранцәа, аҳәсеи ахәыҷқәеи ашколхәыҷқәеи хазы иалкаахоит, иара убас аа-шықәса рҟынӡа зхыҵуеи, жәа-шықәса рҟынӡа зхыҵуеи ахәыҷқәа рзы иҟалоит аԥхьахәқәа", - ҳәа еиҭеиҳәеит ашахмат еицлабра аӡбаҩ хада Нодар Хәырхәмал.
Аицлабра “Аҧсны.Тамшь-Village 2022” мҩаҧыргоит аспорт азы Аԥсны Аҳәынҭеилакыи Аԥсны ашахмат азы Афедерациеи Аԥсны аҵареи абызшәатә политикеи рминистрра ацхыраара ала. Афинанстә цхыраара ҟарҵеит "Универсал банк", "Амобаил", Гәылрыԥшь араион ахадара.
Sputnik Аԥсны аинформациатә дгылара анаҭоит Жәларбжьаратәи атурнир "Аԥсны.Тамшь-Village 2022".
Аиааира згаз ианашьахоит 500 нызқь мааҭ.
"Тамшь Village" - ари амшын аԥшаҳәаҿы игылоу 1000-ҩык зкуа ҳаамҭа иақәшәо коттеџьтә комплексуп, уи аргыларазы аинвестициақәа аланаҵеит урыстәылатәи атуристтә еилахәыра "Библио-Глобус". Иара аартын 2021 шықәса ԥхынгәымза алагамҭазы.
