https://sputnik-abkhazia.info/20220125/khra-zlou-akhysa-arshba-any-amtsakraan-auay-isy-eizyrkhar-zylsho-abzhgaraa-iryzkny-1037258653.html

Хра злоу ахҭысқәа: Аршба аҩны амцакраан ауаҩы иԥсы еиқәзырхар зылшо абжьгарақәа ирызкны

Хра злоу ахҭысқәа: Аршба аҩны амцакраан ауаҩы иԥсы еиқәзырхар зылшо абжьгарақәа ирызкны

Sputnik Аҧсны

АҶА абылраҽацәыхьчара-хылаԥшратә усбарҭа аиҳабы ихаҭыԥуаҩ Аркади Аршба арадио Sputnik аефир аҿы еиҭеиҳәеит, абылра аныҟалалак ауаҩы ихы мҩаԥигар шахәҭоу, уи... 25.01.2022, Sputnik Аҧсны

2022-01-25T10:00+0300

2022-01-25T10:00+0300

2022-01-25T10:00+0300

арадио

аԥсны

хра злоу ахҭысқәа

аподкаст

https://cdnn1.img.sputnik-abkhazia.info/img/07e6/01/17/1037258627_0:0:961:540_1920x0_80_0_0_1f5f27af2bbaea3cb3d5ad7b6b1fa617.jpg

Аԥсны АҶА аиқәырхаҩцәа абдуи имаҭеи еиқәдырхеит Аҟәа Сахаров имҩаҿы иҟоу амца зкыз ауаҭах аҟынтәи. Ҩымш рыла Аҟәа аҩнқәа ҩба амца ркит.Зхыԥхьаӡара иацлаз абылрақәа реиҳарак зыхҟьаз абзазартә техникоуп ҳәа азгәеиҭеит аиҿцәажәараҿы АҶА абылраҽацәыхьчара-хылаԥшратә усбарҭа аиҳабы ихаҭыԥуаҩ Аркади Аршба."Абылрақәа уахынла ианыҟало ианаамҭоу агәаҭара уадаҩуп. Ҽынла акәзар, еиҳа иманшәалоуп. Абылра ҟалазар, ауада ашә аркны иааныжьтәуп. Ашәи аԥенџьыри аркызароуп, аҳауа мнеиртә еиԥш иҟаҵатәуп. Амцарцәаҩцәа ааиаанӡа аҳауа ҩнасыр амца еибакуеит азы. Ауаҩы ихала ирцәар илшоит амца амҽхак ҭбаамзар, ижәпоу бак, ма уарҳалк ала. Афымца шаҿаку аӡы ақәҭәан амца арцәара далагар, машәыр изнаур ауеит. Аха зегьы раԥхьа ауаҩы амцакра ангәеиҭа ашьҭахь, аҭел дасроуп, анаҩс ауп арцәара иҽаназикша. Аӡы афымца бзианы имҩаннагоит, дашьыр ауеит. Алҩа ауаҭахқәа ирымҽханакхьазар, ауаҩы адашьма иҽазааигәатәны дҳәазаны ддәылҵыр ахәҭоуп. Алҩа аҩада ихалоит азы иахьынӡалшо ҵаҟа длаҟәны ддәылҵроуп, илшо, имч зықәхо дәылигар алшоит", - ҳәа еиҭеиҳәеит Аршба.Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2022

Ажәабжьқәа

ab_AB

аԥсны, хра злоу ахҭысқәа, аподкаст, аудио