Микрофон  - Sputnik Аҧсны, 1920
Арадио

Агрԥҳа: ҩышықәса иреиҳауп, ҳҭаацәеи ҳареи ҳшыҟалалакгьы, ачымазцәа ҳзааныжьӡом

Ҳазлацәажәаша ҳамоуп: Агрԥҳа ҭелла ачымаҩцәа шныҟәылго иазкны
Анапаҵаҩра
Yandex newsTelegram
Аҟәа араион аҳақьым Асида Агрԥҳа арадио Sputnik аефир аҿы еиҭалҳәеит, ҭелла ачымазцәа шныҟәылго атәы, урҭ зыргәамҵуа, насгьы шаҟаҩы мышкы иалагӡаны ацхыраара рылҭо.
Асида лҭаацәеи лареи аҿкчымазара рымоуп, аха убри аан ацхыраара рылҭоит егьырҭ иныҟәылго ачымазцәагьы. Мышкы иалагӡаны 94-ҩык ҭелла рыҽрымалдоит, изыргәамҵуа еилылкаауеит.
"Аҭагылазаашьа уадаҩуп. Ачымазцәа рхыԥхьаӡара ессааира иацлоит. Зегьы ҭелла ҳарзасуеит, ираҳҳәоит иҟаҵатәу, ижәтәу ахәшәқәа. Дара ак анырҭахалакгьы рхала ианаҳзасуагьы ыҟоуп. Иахьазы исымоуп 94-ҩык ачымазцәа. Аӡәы дҵәыуеит, егьи дшәоит, аӡәы иаҭаху ҟаиҵаӡом, даҽаӡәы аҟаҵара иҭахӡам, дара зегьы ҳрыҿцәажәоит, рықәшәымшә ҳҳәоит. Ҩышықәса инареиҳауп, ҳҭаацәеи ҳареи ҳшыҟалалакгьы, ачымазцәа ҳзааныжьӡом", - ҳәа еиҭалҳәеит Агрԥҳа.
Аҳақьым илҳәеит, хынтә ачымазара шылхылгахьоу атәы.
"Аԥсшьараамҭа зынӡа иҳамаӡам, иаха зынӡагьы смыцәаӡеит. Схәыҷқәагьы ашоура рыман, ачымазцәагьы ашоура рыман. Ҳааԥсеит, иҳалшом, аха ҳчымазцәа каҳажьуам", - ҳәа азгәалҭеит Агрԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0