Краснодартәи атәылаҿацә аҿы COVID-19 здырбало рхыԥхьаӡара есҽны еиҳа-еиҳа иацлоит

© Sputnik / Алексей Майшев / Амедиаҵәахырҭахь аиасраВременный госпиталь COVID-19 в автоцентре "Москва"
Временный госпиталь COVID-19 в автоцентре Москва  - Sputnik Аҧсны, 1920, 30.01.2022
Анапаҵаҩра
НовостиTelegram
Акоронавирус здырбалаз рахьтә зегьы иреиҵбу хәымз ихыҵуеит, зегьы иреиҳабу - 84 шықәса.
АҞӘА, ажьырныҳәа 30 - Sputnik. Краснодартәи атәылаҿацә аҿы аҵыхәтәантәи адыррақәа рыла 1 109-ҩык акоронавирус рыдырбалеит ҳәа аанацҳауеит арегион Аоперативтә штаб асаит. Хымш ирықәуп ари ахыԥхьаӡара зқьы еиҳаны ицәырҵуеижьҭеи.
Убас, ажьырныҳәа 27 рзы Ҟәбина иаадырԥшит 1 020-ҩык акоронавирус шрылаз, 28 рзы – 1 049-ҩык, 29 рзы - 1 109-ҩык. Уахыки-ҽнаки рыла 672-ҩык аҳәсеи 437-ҩык ахацәеи ирыхьит. Урҭ рыбжьара 157-ҩык ахәыҷқәа. Акоронавирус здырбалаз рахьтә зегьы иреиҵбу хәымз ихыҵуеит, зегьы иреиҳабу - 84 шықәса. ЗЕгь реиҳа ахҭысқәа аарԥпшын Краснодар – 467. Анаҩс - Новороссииск – 205, нас Шәача – 157.
Апандемиа ҵысыижьҭеи Краснодартәи атәылаҿацә аҿы акоронавирус азы 6 044 540 ҭҵаара ҟарҵеит. Амедицинатә усбарҭақәа ирыдҵаалеит 702 526-ҩык атәылауаа. Зынӡа изыдбалаз 136 752-ҩык ыҟоуп. Ргәы бзиахеит 106 651-ҩык. Рыԥсҭазаара иалҵит 10 042-а апациентцәа.
Ажәабжьқәа зегьы
0