ДЖәР ААР аҿы аҳәамҭа ҟарҵеит Киев мраҭашәаратәи абџьар Донбасс ахы ианархәеит ҳәа

© Sputnik / Валерий Мельников / Амедиаҵәахырҭахь аиасраКПП "Станица Луганская" в Донбассе
КПП Станица Луганская в Донбассе - Sputnik Аҧсны, 1920, 03.02.2022
Анапаҵаҩра
НовостиTelegram
Америка зхадараҿы иҟоу НАТО атәылақәа 2014 шықәса раахыс Украина бџьарла еиқәдыршәоит, аруаа азыҟарҵоит. Арҭ зегьы Минсктәи аиқәшаҳаҭрақәа еиларгоит Донбасс аҭышәынтәаларагьы иаԥырхагоуп.
АҞӘА, жәабран 3 – Sputnik. ДЖәР Адәныҟатәи аусқәа рминистр Наталиа Никонорова РИА Новости аинтервиу аҭо аҳәамҭа ҟалҵеит Киев мраҭашәаратәи абџьар Донбасс ахы ианархәеит ҳәа.

"Ааигәа ари аҩыза ахҭыс ыҟан НАТО аганахь ала. Еленовкатәи афымцастанциа маҷ еихсын НАТО иатәу зыхҭалашәа 60 миллиметра иҟоу џьаԥҳаныла. Уаанӡа ари аҩыза абџьар Украина ахы ианамырхәацызт", - лҳәеит лара.

Киев аинырратә цәаҳәа еиҳа-еиҳа иаднахалоит абџьари атехникеи рацәаны ҳәа лҳәеит аминистр. Лара лажәақәа рыла, Мраҭашәара асеиԥш ахымҩаԥгашьа Украина агәы азҭанаҵоит.
"Украина аҽеибанаҭуеит бџьарлеи аруааи амҩақәҵаҩцәеи рыла", ҳәа лҳәоит Никонорова.
Лара, Минсктәи аиқәшаҳаҭрақәа рзы атәыла-хәдықәҵацәа рахь ааԥхьара ҟалҵеит Украина иақәыӷәӷәарц аиқәшаҳаҭрақәа рынагӡаразы.
Ажәабжьқәа зегьы
0