Москва аинфраструктура аҿиареи анхарази адунеи аҿы иреиӷьу қалақьны ишьоуп

© Sputnik / Vladimir Astapkovich / Афотобанк ахь аиасраДети катаются на карусели на Красной площади в Москве
Дети катаются на карусели на Красной площади в Москве - Sputnik Аҧсны, 1920, 03.02.2022
Анапаҵаҩра
Yandex newsTelegram
Москва иашьҭанеиуеит Сингапури Торонтои ақалақьқәа.
АҞӘА, жәабран 3 – Sputnik. ООН Урыстәыла аҳҭнықалақь адунеи аҿы иреиӷьу қалақь дуны аӡбахә аҳәеит аинфраструктура аҿиареи анхара ази. Абри атәы арбоуп аиҿкаара асаит аҿы.
Аекспертцәа адунеи ақалақь дуқәа 50 ҭҵааны урҭ рҟынтәи 29 қалақь еиқәырԥхьаӡеит.
Асиа ианылеит: Латынтәи Америкаҿ (Богота, Буенос-Аирес, Лима, Мехико, Сантиаго, Сан-Паулу), Африка (Дар-ес-Салам, Лагос, Наироби), Азиа (Бангкок, Гонконг, Дели, Џьакарта, Осака, Пекин, Сеул, Сингапур, Токио, Хошимин, Шанхаи, Ухань), Европа (Лондон, Мадрид, Москва, Париж), Аҩада Америка (Ниу-Иорк, Торонто), Австралиа (Сиднеи), Мрагылара ааигәа (Ер-Риад).
Ақалақьқәа рыхә ршьон: аекономика, аинфраструктура, аԥсҭазаара аҩаӡара, аҵара, аекологиа, анапхгараҭара, азакәанԥҵара рыла.
Аекспертцәа ргәаанагарала Москва аинфраструктура зегь раасҭа аҿиара амоуп -ақалақьтә транспорт, анхарҭатәии асоциалтәи инфраструктура, атехнологиақәа, ақалақьтә ҵакыра ахархәара.
Иара убасгьы, урыстәылатәи аҳҭнықалақь аҿы ауааԥсыра рынхашьа ахаҭабзиара ҳаракуп ҳәа ишьоуп. Абри аан иазааҭгылан агәабзиарахьчара, аҵарадырра, аҭҵаарадырра, атехнологиақәа, аԥсшьара, акультура, ашәарҭадара рыҟазаара.
Москва еиҳа аҿиара змоу адунеи ақалақьқәа жәаба ирылахәуп "Анапхгараҭареи азакәанԥҵареи" аганахь ала. Уи иаҵанакуеит ауааԥсыра ақалақьтә ԥсҭазаара ралахәра, амалрҳара, ақалақь аҿиара анапхгараҭара.
"Ақалақь аизҳазыӷьара" ООН-Хабитат хықәкыс иамоуп адунеи атәылақәа рыҟны ақалақьқәа реизҳара аҽазышәараз. Аиҿкаара анапы иануп аԥсҭазаара аиӷьтәразы адунеитә еилазаара ацхыраара рыҭара.
Инарҭбаау адыррақәа кьыԥхьхоит хәажәкыра 31 азы.
Ажәабжьқәа зегьы
0