https://sputnik-abkhazia.info/20220205/aibashra-aybeit-germania-inkho-ynua-oshkyn-abygba-izkny-1037358706.html
"Аибашьра ҳақәыӡбеит": Германиа инхо ҳџьынџьуаҩ Џьошькәын Абыгба изкны
"Аибашьра ҳақәыӡбеит": Германиа инхо ҳџьынџьуаҩ Џьошькәын Абыгба изкны
Sputnik Аҧсны
Аԥсны Аџьынџьтәылатәи аибашьра анцоз уи иамықәыӡбаз ԥсыуак дыҟам. Аҳәаанырцә инхо ҳџьынџьуаагьы рабдуцәа рыдгьыл ашьаарҵәыра ианҭагылаз араҟа имҩаԥгаз... 05.02.2022, Sputnik Аҧсны
2022-02-05T19:40+0300
2022-02-05T19:40+0300
2022-02-06T18:56+0300
арепатриациа
арепатриациа
https://cdnn1.img.sputnik-abkhazia.info/img/07e6/01/1e/1037357040_0:0:2601:1463_1920x0_80_0_0_ba04059418dd2ae3412f2abea7621fc1.jpg
Аԥсны Аџьынџьтәылатәи аибашьра анцоз уи иамықәыӡбаз ԥсыуак дыҟам. Аҳәаанырцә инхо ҳџьынџьуаагьы рабдуцәа рыдгьыл ашьаарҵәыра ианҭагылаз араҟа имҩаԥгаз Адунеизегьтәи аԥсуа-абаза жәлар рконгресс аҳәаақәа ирҭагӡаны рҿахәы рҳәеит. Урҭ дыруаӡәкын Германиа аҳҭнықалақь Берлинынтәи иааз Џьошькәын Абыгба.Џьошькәын Абыгба Ҭырқәтәыла, Калдахәара ақыҭан диит. Иаб Џьеваҭи иан Севим Аҩӡԥҳаи хәҩык ахшара рааӡеит, хҩык аԥацәеи ҩыџьа аԥҳацәеи. Џьошькәын Калдахәара ауп раԥхьаӡакәны абжьаратә школ дахьҭалаз. Аҭаацәараҟны ахәыҷқәа аԥсшәа заҵәык акәын ирдыруаз, убри аҟнытә ирцәыуадаҩхеит ҭырқәшәала аҵараҵара. Арҵаҩцәа ҿыӷәӷәала абжьгара ҟарҵон рыҩнаҭақәа рҟны ҭырқәшәала мацара ицәажәаларц. Џьошькәын жәышықәса анихыҵуаз ишынҭаацәаз Германиаҟа ицеит."Германиаҟа нхара ҳаниас, анемец бызшәа ҳҵар акәхеит. Ҳаԥсшәа, аҭырқәшәеи анемецшәеи иахәаҽуа иалагеит. Иахьа схәыҷраан сышцәажәоз еиԥш сҿаҟны иааиӡом, хымԥада, сара сзы уи даара ирыцҳароуп", - иҳәоит иара.Џьошькәын Абыгба Берлин Кавказ Адернеқь 30 шықәса далахәылан, шықәсыкгьы уи напхгара аиҭон. Аԥсны Аџьынџьтәылатәи аибашьра аналага, иабдуцәа рыдгьыл иблала ишиимбацызгьы, ҳџьынџьуаа зегьы реиԥш игәнигеит. Адунеизегьтәи аԥсуа-абаза жәлар рконгресс амҩаԥгара аҿҳәара аназгәаҭахагьы, иара дреиуахеит Германиантәи уи иалахәхаз.Аделегациа Аԥсны иахьынӡаҟаз аиԥыларақәа маҷымкәа еиҿкаан. Ҭырқәтәыла, Европа аҳәынҭқаррақәа уҳәа рҟынтә иааны иҟаз ҳџьынџьуаа аибашьра иақәыӡбеит, ианыхынҳәгьы, Адернеқьқәа рҿы ҳауаажәлар адыԥхьаланы аҭагылазаашьа атәы рарҳәеит. Имаҷҩым аҳәаанырцә инхо ҳџьынџьуаа усҟантәи аамҭазы Аԥсны ацхыраара азҭаз.Џьошькәын Абыгба иажәақәа рыла, иахьа Берлин шә-ҭӡак рҟынӡа аԥсуа ҭаацәарақәа нхоит."Сара Берлин издырқәо аԥсуаа рацәаҩӡоуп, уи зыбзоуроугьы акыр шықәса Кавказ Адернеқь сахьалахәылаз ауп. Дара аиҳарак Ҭырқәтәыла, Сақариеи Есқьишьеҳири рҟынтә уахь иқәнагалаз роуп, жәлала иуҳәозар, ирацәаҩуп Аҩӡаа, Кәаӡаа, Џьаԥраа, Габлиаа. Берлин Кавказ Адернеқь аҟны адыгааи ҳареи аӡәк иеиԥш ҳаидгыланы иаҳзеиԥшыз агәалашәаратәи аныҳәатәи мшқәа азгәаҳҭон, амҳаџьыраа ргәалашәара амш, Аԥсны Аџьынџьтәылатәи аибашьраҟны игоу Аиааира уҳәа. Еиҿкааны иҳаман амилаҭ кәашареи амилаҭтә музыкатә интрументқәеи ргәыԥқәа. Аԥсшәа арҵаҩы дыҟамызт, аха агәаҳәара змаз адыга бызшәа ҳҵон. Амилаҭ рацәа ҳрыламӡырц азы Кавказ ахаҭарнакцәа лассы-лассы ҳҽеидаҳкылон", - инаҵишьит иара.Џьошькәын иажәақәа рыла, аамҭала Кавказ Адернеқь аҟны ирыдыркылахьан Аԥснынтәи Германиаҟа инеиуаз асасцәагьы. Хаҭала иара аҩны ҳаҭыр зқәиҵазгьы рацәаҩуп.Џьошькәын иҭаацәаратә ҭоурых инарҵауланы издырӡом. Иара иаб иганахьала иандуи иабдуи заа рыдунеи рыԥсахит. Убри аҟнытә абиԥара ҿа рабшьҭра Аԥсны ишатәу ада аинформациа рымаӡам.Џьошькәын Абыгба Германиа дынхоит, аха иара дрымадоуп егьырҭ аҳәаанырцәтәи атәылақәа рҟны инхо аԥсуаа аӡәырҩы. Аамҭа-аамҭала еибабоит. Агәыбылрала рмилаҭра еиқәдырхоит ҳәа иаҿуп.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
арепатриациа
Аԥсны Аџьынџьтәылатәи аибашьра анцоз уи иамықәыӡбаз ԥсыуак дыҟам. Аҳәаанырцә инхо ҳџьынџьуаагьы рабдуцәа рыдгьыл ашьаарҵәыра ианҭагылаз араҟа имҩаԥгаз Адунеизегьтәи аԥсуа-абаза жәлар рконгресс аҳәаақәа ирҭагӡаны рҿахәы рҳәеит. Урҭ дыруаӡәкын Германиа аҳҭнықалақь Берлинынтәи иааз Џьошькәын Абыгба.
Џьошькәын Абыгба Ҭырқәтәыла, Калдахәара ақыҭан диит. Иаб Џьеваҭи иан Севим Аҩӡԥҳаи хәҩык ахшара рааӡеит, хҩык аԥацәеи ҩыџьа аԥҳацәеи. Џьошькәын Калдахәара ауп раԥхьаӡакәны абжьаратә школ дахьҭалаз. Аҭаацәараҟны ахәыҷқәа аԥсшәа заҵәык акәын ирдыруаз, убри аҟнытә ирцәыуадаҩхеит ҭырқәшәала аҵараҵара. Арҵаҩцәа ҿыӷәӷәала абжьгара ҟарҵон рыҩнаҭақәа рҟны ҭырқәшәала мацара ицәажәаларц. Џьошькәын жәышықәса анихыҵуаз ишынҭаацәаз Германиаҟа ицеит.
"Германиаҟа нхара ҳаниас, анемец бызшәа ҳҵар акәхеит. Ҳаԥсшәа, аҭырқәшәеи анемецшәеи иахәаҽуа иалагеит. Иахьа схәыҷраан сышцәажәоз еиԥш сҿаҟны иааиӡом, хымԥада, сара сзы уи даара ирыцҳароуп", - иҳәоит иара.
Џьошькәын Абыгба Берлин Кавказ Адернеқь 30 шықәса далахәылан, шықәсыкгьы уи напхгара аиҭон. Аԥсны Аџьынџьтәылатәи аибашьра аналага, иабдуцәа рыдгьыл иблала ишиимбацызгьы, ҳџьынџьуаа зегьы реиԥш игәнигеит. Адунеизегьтәи аԥсуа-абаза жәлар рконгресс амҩаԥгара аҿҳәара аназгәаҭахагьы, иара дреиуахеит Германиантәи уи иалахәхаз.
"Раԥхьаӡакәны Аԥсны сшьапы анықәсыргала, сцәаныррақәа рҽеиҩыршеит, сыбжа гәырӷьон сҭоурыхтә дгьыл ахь сахьааз, егьи сыбжа еилнакаауан сыжәлар гәакьа аҟазаареи аҟамзаареи аамҭа ишҭагылаз", - инаҵишьит Џьошькәын.
Аделегациа Аԥсны иахьынӡаҟаз аиԥыларақәа маҷымкәа еиҿкаан. Ҭырқәтәыла, Европа аҳәынҭқаррақәа уҳәа рҟынтә иааны иҟаз ҳџьынџьуаа аибашьра иақәыӡбеит, ианыхынҳәгьы, Адернеқьқәа рҿы ҳауаажәлар адыԥхьаланы аҭагылазаашьа атәы рарҳәеит. Имаҷҩым аҳәаанырцә инхо ҳџьынџьуаа усҟантәи аамҭазы Аԥсны ацхыраара азҭаз.
Џьошькәын Абыгба иажәақәа рыла, иахьа Берлин шә-ҭӡак рҟынӡа аԥсуа ҭаацәарақәа нхоит.
"Сара Берлин издырқәо аԥсуаа рацәаҩӡоуп, уи зыбзоуроугьы акыр шықәса Кавказ Адернеқь сахьалахәылаз ауп. Дара аиҳарак Ҭырқәтәыла, Сақариеи Есқьишьеҳири рҟынтә уахь иқәнагалаз роуп, жәлала иуҳәозар, ирацәаҩуп Аҩӡаа, Кәаӡаа, Џьаԥраа, Габлиаа. Берлин Кавказ Адернеқь аҟны адыгааи ҳареи аӡәк иеиԥш ҳаидгыланы иаҳзеиԥшыз агәалашәаратәи аныҳәатәи мшқәа азгәаҳҭон, амҳаџьыраа ргәалашәара амш, Аԥсны Аџьынџьтәылатәи аибашьраҟны игоу Аиааира уҳәа. Еиҿкааны иҳаман амилаҭ кәашареи амилаҭтә музыкатә интрументқәеи ргәыԥқәа. Аԥсшәа арҵаҩы дыҟамызт, аха агәаҳәара змаз адыга бызшәа ҳҵон. Амилаҭ рацәа ҳрыламӡырц азы Кавказ ахаҭарнакцәа лассы-лассы ҳҽеидаҳкылон", - инаҵишьит иара.
Џьошькәын иажәақәа рыла, аамҭала Кавказ Адернеқь аҟны ирыдыркылахьан Аԥснынтәи Германиаҟа инеиуаз асасцәагьы. Хаҭала иара аҩны ҳаҭыр зқәиҵазгьы рацәаҩуп.
Џьошькәын иҭаацәаратә ҭоурых инарҵауланы издырӡом. Иара иаб иганахьала иандуи иабдуи заа рыдунеи рыԥсахит. Убри аҟнытә абиԥара ҿа рабшьҭра Аԥсны ишатәу ада аинформациа рымаӡам.
Џьошькәын Абыгба Германиа дынхоит, аха иара дрымадоуп егьырҭ аҳәаанырцәтәи атәылақәа рҟны инхо аԥсуаа аӡәырҩы. Аамҭа-аамҭала еибабоит. Агәыбылрала рмилаҭра еиқәдырхоит ҳәа иаҿуп.
