https://sputnik-abkhazia.info/20220207/raionk-asazaaraynt-shonia-gal-araion-amashyna-traktort-stantsia-aiyrshara-iazkny--1037463711.html

Раионк аԥсҭазаараҟынтә: Шьониа Гал араион амашьына-трактортә станциа аиқәыршәара иазкны

Раионк аԥсҭазаараҟынтә: Шьониа Гал араион амашьына-трактортә станциа аиқәыршәара иазкны

Sputnik Аҧсны

Гал араион агроном хада Лери Шьониа арадио Sputnik аефир аҿы еиҭеиҳәеит, амашьына-трактортә станциа атехника аҭагылазаашьа зеиԥшроу, ауаа рҭахрақәа рынагӡараз... 07.02.2022, Sputnik Аҧсны

2022-02-07T20:30+0300

2022-02-07T20:30+0300

2022-02-07T20:30+0300

арадио

аԥсны

аподкаст

https://cdnn1.img.sputnik-abkhazia.info/img/07e6/02/07/1037463651_0:0:2001:1125_1920x0_80_0_0_e04e4f402501c84f6bbba2668dbca15b.jpg

"Атехника ҳамоуп, еиқәшәоуп, аха уи ҳазхоит сҳәар мцуп. Ҩышықәса раԥхьа аацырак ҿыцны иҳауит, ацраҳәагақәагьы ҿыц иҳауз ыҟоуп. Аус ҳуртә ҳаҟоуп, аха иаҳа ҳабзиазаргьы цәгьамызт. Амашьынатә парк зҵазкуа ақыҭанхамҩа аминистрра ишаҳәо алоуп амхқәа рыцәаӷәара ахәқәагьы шыҟоу. Макьана ахәқәа шьақәыргылам, аха абылтәы ахә ацлара иахҟьаны рҽырыԥсахыр алшоит", - ҳәа еиҭеиҳәеит Шьониа.Гал араион агроном хада иажәақәа рыла, ацәаӷәара аамҭазы амашьына-трактортә станциа атехника зегьы ирызхартә иҟам."Ҵыԥхтәи аԥышәала иҳәатәуп ҳшеихьымӡоз, аиҵахарақәа ҳаман. Гал араион ақыҭақәа дууп. 1600 гектар инахыҳәҳәо аԥш ларҵоит. Амашьына-трактортә техника амчала зегь ианаамҭоу ицәаӷәаны илаҵаны иҟаҳҵоит сҳәар, имцхоит, уа зхатә техника змоугьы рхы иацхраауеит, убри алагьы хәыҷык иҭнагоит. Ҳәарада, еиҭа атехника ҳаур ахәҭоуп, аха зхатәы змоу ала ҳҭибагоит", - ҳәа еиҭеиҳәеит Шьониа.Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

2022

Ажәабжьқәа

ab_AB

аԥсны, аподкаст, аудио