Микрофон  - Sputnik Аҧсны, 1920
Арадио

Чамагәуа еиҭеиҳәеит алашара арцәара атроллеибус аныҟәара ишаныруа атәы

Чамагәуа еиҭеиҳәеит алашара арцәара атроллеибус аныҟәара ишаныруа атәы
Анапаҵаҩра
НовостиTelegram
Атроллеибустә парк анџьныр хада Енвер Чамагәуа арадио Sputnik иазеиҭеиҳәеит, алашара арцәара Аҟәа атроллеибусқәа рныҟәара ишаныԥшуа атәы
"Аҳабла ҿыц, Ажәытә ҳабла ибжьоу атроллеибусқәа даара ирԥырхагоуп алашара арцәара. Ҳара иҳамоуп ҩ-фымцеихшарҭак, акы- Аҳабла ҿыц, егьы – аихамҩатә баӷәаза азааигәара. Ара ма уа иандырцәо, ацәаҳәақәа еиҿаԥшьны иҟаҳҵоит фымцеихшарҭак ала атранспорт ныҟәартә еиԥш. Ауадаҩрақәа ахьыҟоу Алашарабага аҳаблахьи Ҭҳәыбыни ауп. Уахь ирлас алашара дырцәоит аҟнытә атроллеибусқәа ҳзышьҭӡом. 600 вольт иҟазароуп алашара амчхара, иаҳа ианмачу - изныҟәаӡом. Ҭҳәыбын аганахь аԥхарра ҟалар иҳашьҭырц ауп атроллеибус, уахьгьы ауаа шгәаҟуа ҳдыруеит, уажәы-уажәы иаҳзасуеит", - ҳза еиҭеиҳәеит Чамагәуа.
Атроллеибустә парк анџьныр хада иҳәеит алашара арцәара иахҟьаны лассы-лассы атранспорт аныҟәара аамҭеихшараҿгьы аилагарақәа шыҟалало.
"Ашьыжь амашьынарныҟәцаҩ ианаамҭоу дҭыҵуазар, амҩа дшықәу алашара ыцәаны даангылар, нас иаамҭеихшара дзықәлаӡом. Аилахәара ҟалоит. Атроллеибус рныҟәцаҩцәеи адиспетчери ҭелла рҽеимаданы аграфик дырҽеиуеит", - ҳәа иҳәеит Чамагәуа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0