Микрофон  - Sputnik Аҧсны, 1920
Арадио

Раионк аԥсҭазаараҟынтә: Сақаниа Гәдоуҭа ааԥын адгьыл ақәаарыхра иахьынӡазхиоу атәы

Раионк аԥсҭазаараҟынтә: Сақаниа Гәдоуҭа ааԥын адгьыл ақәаарыхра иахьынӡазхиоу атәы
Анапаҵаҩра
Yandex newsTelegram
Гәдоуҭа араион амашьына-трактортә станциа аиҳабы Лавренти Сақаниа арадио Sputnik аефир аҿы еиҭеиҳәеит ааԥын адгьыл ақәаарыхразы аусурақәа иахьынӡарызхиоу атәы.
"Иахьазы Гәдоуҭа араион амашьына-трактортә станциаҟны атехника еиқәшәоуп, 20 ак ҳамоуп ацәаӷәаразы. Уажәшьҭа аӡәы-ҩыџьа ҳадҵаало иалагеит. Адгьыл иахьауа иаҳцәаӷәоит, иахьамуа ҳадҵоит. Аиаша уҳәозар, Дәрыԥшь, Хәаԥ, Лыхны иналак-аалакны ауп акәымзар, ацәаӷәара макьанацәҟьа аӡәгьы иҭахӡам. Абри лаҵара, рашәара амзақәа рзы ауп ианеилаҳауа аусутә. Егьыс иахьа аӡәы дааиуазар, атехника иаҳҭар ҳалшоит ацәаӷәара, ма арыцқьаразы аусурақәа мҩаԥигозар. Изҭаху даҳзааир илшоит, есҽны ашьыжь асааҭ 6 инаркны ахәылбыҽха асааҭ 8 рҟынӡа ҳаҟоуп аусураҟны", - иҳәеит Сақаниа.
Иара иазгәеиҭеит атрактор иақәтәо ауаа шрыцәмаҷу, ауалафахәы ирзыршәо иахҟьаны. Гектарк адгьыл ацәаӷәара х-нызқьмааҭ ахьақәу, уи аҟнытә атрактор аныҟәцаҩ 80 мааҭ иоуеит иҳәеит Сақаниа. Иазгәеиҭеит иара адгьыл иқәаарыхуагьы ауаагьы шырацәаҩым.
Аицәажәара иаҳа инарҭбааны ишәаҳар шәылшоит аудиофаил аҟны.
Ажәабжьқәа зегьы
0