Микрофон  - Sputnik Аҧсны, 1920
Арадио

Арсалиаԥҳа аҩыҟаҵара иазку ацәыргақәҵазы: темак аҩнуҵҟа аматериал еснагь аинтерес аҵоуп

Арсалиаԥҳа аҩыҟаҵара иазку ацәыргақәҵазы: темак аҩныҵҟа аматериал еснагь аинтерес аҵоуп
Анапаҵаҩра
Yandex newsTelegram
Аҩыҟаҵара акультура иазку ацәыргақәҵа аиҿкааҩ Ельвира Арсалиаԥҳа арадио Sputnik аефир аҿы дазааҭгылеит аԥсуаа иналкааны аҩыҟаҵаратә культура ахшыҩзышьҭра зарҭоз атәы.
Аԥсуаа рҿы аҩыҟаҵара акультура иатәу ацәыргақәҵа аатуеит февраль 23 рзы Аҟәа, асааҭ 12:00 инаркны 18:00. Иара мҩаԥгахоит апроект "Акультура амҩеихда" аҳәаақәа ирҭагӡаны.
Аҩыҟаҵара акультура иазку ацәыргақәҵа, иара акультура еиуеиԥшым ахырхарҭақәа аазырԥшуа цәыргақәҵоуп, лҳәеит Арсалиаԥҳа аиҿцәажәара хацыркуа.
"Аҩыҟаҵара акультура аҭҵаара ҳахьынӡаҿыз иаҳԥышәахьаз аматериал шаҟа аинтерес амаз аабеит, ус иаҳҭахеит ацәыргақәҵа аиҿкаара. Ҽнактәи ацәыргақәҵаҿы ицәыргахоит 40 инареиҳаны аекспонат, урҭ рхыԥхьаӡараҿы иҟоуп асахьаҭыхыҩ Леуарса Быҭәба х-хәҭак рыла ишьақәгылоу иусумҭа "Нарҭаа рлегендақәа", ира збахьоу маҷҩуп. 2002 шықәса инаркны аусумҭа аҩызауад аҟны иҟоуп. Иара убас, Витали Кацәба иусумҭақәа. Иара хаҭала дазааҭгылон ажь, аӡахәа, аҩыҟаҵара атемала серианы иаԥҵоу иҭыхымҭақәа. Ахатәы коллециақәа рҿы иҳаԥшааит ажәытә гравиурақәа, ажәытә керамика. Абас темак аҩныҵҟа аԥшаара аматериал еснагь аинтерес ацуп. Дара зегьы еидкыланы ианубо, даҽа цәаныррак узцәырнагоит. Сгәы иаанагоит иаҭаауа рзы аматериал аинтерес аҵоуп ҳәа", - азгәалҭеит Арсалиаԥҳа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0