Ситуация на границе Крыма с Украиной - Sputnik Аҧсны, 1920
Урыстәыла Донбасс имҩаԥнаго арратә операциа ҷыда
Урыстәыла Донбасс имҩаԥнагоит арратә операциа ҷыда, ДЖәРи ЛЖәРи иҟарҵаз аҳәарала. Владимир Путин Донецки Лугански жәлар рреспубликақәа рхьыԥшымра азхаиҵеит.

Урыстәыла ҳаиртә баӷәазақәак хәажәкыра 8 рҟынӡа русура аанкылоуп

© Sputnik / Александр КряжевСамолет Boeing 737-800 авиакомпании "Аэрофлот" в Международном аэропорту Новосибирск (Толмачёво) им. А. И. Покрышкина.
Самолет Boeing 737-800 авиакомпании Аэрофлот в Международном аэропорту Новосибирск (Толмачёво) им. А. И. Покрышкина. - Sputnik Аҧсны, 1920, 01.03.2022
Анапаҵаҩра
Yandex newsTelegram
Росавиациа атәыла аладахьы иҟоу ҳаиртә баӷәазақәак русура ааннакылеит жәабран 24 инаркны.
АҞӘА, хәажәкыра 1 - Sputnik. Урыстәыла аладахьи агәҭантәи ахәҭеи рҿы аҳаиртә баӷәазақәа аамҭала русура аанкылоуп хәажәкыра 8 асааҭ 03:45, ҳәа аанацҳауеит Росавиациа.

"Урыстәыла аладахьи агәҭантәи ахәҭеи рҿы аҳаиртә баӷәазақәа аамҭала русура аанкылоуп хәажәкыра 8 асааҭ 03:45 москватәи аамҭа инақәыршәаны", - ҳәа аанацҳауеит адырраҭара.

Аамҭала зусура ԥку аҳаирбаӷәазақәа иреиуоуп:
Анапа,
Белгород,
Брианск,
Воронеж,
Геленджик,
Краснодар,
Курск,
Липецк,
Ростов-на-Дону,
Симферополь,
Елиста.
Егьырҭ Урыстәыла аҳаирбаӷәазақәа, жәларбжьаратәиқәагьы убрахь иналаҵаны, абжьааԥнеиԥш аус руеит.

"Иарку аҳаирбаӷәазақәа рахь апассаџьырцәа рымҩангаразы урыстәылатәи аҳаиртә еилахәырақәа ирабжьгоуп Шәача, Волгоград, Минеральные воды, Ставрополь, Москва рҿы иҟоу аҳаиртә баӷәазақәа рхархәара", - ҳәа азгәарҭоит Росавиациаҿы.
Аусбарҭа иара убас, адырра ҟанаҵоит аҳаиртә баӷәазақәеи аҳаиртә еилахәырақәеи русураҿы аԥсахрақәа ҳәа акыр ҟалозар, аофициалтә саитқәа рҟни асоциалтә ҳақәа рҟни ауааԥсыра адырра шрырҭало.
Ажәабжьқәа зегьы
0