Мурашко: Урыстәыла еиқәшәоуп ауаҩы иԥсҭазаараз ихымԥадатәиу ахәшәқәа рыла

© Foto / Пресс-служба Государственной Думы РФ / Амедиаҵәахырҭахь аиасраПленарное заседание Госдумы РФ
Пленарное заседание Госдумы РФ - Sputnik Аҧсны, 1920, 04.03.2022
Анапаҵаҩра
Урыстәыла агәабзиарахьчара аминистрраҿы ахәаша имҩаԥысыз аилацәажәараҿы иазааҭгылан асанкциақәа раамҭазы амедицинатә аалыҵқәеи ахәшәқәеи рыла иахьынӡеиқәшәоу.
АҞӘА, хәажәкыра 4 – Sputnik. Иахьатәи аамҭазы Урыстәыла хәшәла еиқәыршәоуп, ауаҩы иԥсҭазаараз ихымԥадатәиу ахәшәқәагь налаҵаны, аҳәаанырцәынтәи ахәшәқәа раагаразы аԥкрақәа алазгало ҳәа ҳәамҭакгьы ҟамлацт ҳәа аанацҳауеит РИА Новости, агәабзиарахьчара аминистрра адыррақәа шьаҭас иҟаҵаны.
"Иахьатәи аамҭазы аҳәаанырцәынтәи ахәшәқәа раагаразы аԥкрақәа алагалахоит ҳәа ҳәамҭакгьы ҟамлацт", - ҳәа иҳәеит Агәабзиарахьчара аминистр Михаил Мурашко асанкциақәа раамҭазы амедицинатә аалыҵқәеи ахәшәқәеи рыла иахьынӡеиқәшәоу иазкны имҩаԥгаз аилацәажәараҿы.
Уаанӡа, ахаша Урыстәыла агәабзиарахьчара аминистр Михаил Мурашкои Урыстәыла ахәаахәҭреи аагалыхреи рминистр Денис Мантурови афармбизнес ахаҭарнакцәеи аиԥылара мҩаԥыргахьан. Аиԥылараҿы иалацәажәеит иахьатәи аамҭазы ахәшәҟаҵара знапы алаку рҭагылазаашьеи урҭ рыцхыраараз иҟаҵатәуи.

Уажәтәи аамҭазы Урыстәыла иаҭаху ахәшәқәа зегь рыла еиқәшәоуп, аҭаҵәахқәагьы налаҵаны ҳәа азгәанаҭоит Агәабзиарахьчара аминистрра апресс-маҵзура аиԥылара аихшьаалақәа рыла.

Аусбарҭаҿы инаҵшьны иазгәарҭеит иахьа аҵак ду шамоу еиԥҟьарада ианаамҭоу атәыла хәшәла аиқәыршәара.
Ажәабжьқәа зегьы
0