Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Апрокуратура хада 2021 шықәсазы имҩаԥгаз ашьаустә цәгьоурақәа рхыԥхьаӡара атәы рҳәеит

© Sputnik Генеральная прокуратура Абхазии
Генеральная прокуратура Абхазии - Sputnik Аҧсны, 1920, 10.03.2022
Анапаҵаҩра
Yandex newsTelegram
АҞӘА, хәажәкыра 10 - Sputnik. Аԥсны азинхьчаратә усбарҭақәа ашәҟәы иҭаргалеит 2021 шықәсазы аҭыԥ змаз 723 цәгьоура. Ари 39 рыла еиҵоуп 2020 шықәсазы аасҭа ҳәа иҳәеит апрокурор хада ихаҭыԥуаҩ Дамир Кәыҵниа Апрокуратура хада аколлегиа аилатәараҿы. Абри атәы аҩуеит "Аԥсныпресс" амаҵзура.
"2020 шықәса раахыс ацәгьоурақәа еиҳа-еиҳа еиҵахоит. Убас, 2020 шықәсазы 288 цәгьоура ҟаҵан, 2019 шықәса раасҭа 8-нтә еиҵан, 2021 шықәсазы 234 цәгьоура ашәҟәы иҭагалан. Ацәгьоура хьанҭақәа 76,5% аарԥшуп, - иҳәеит Кәыҵниа.
2020-2021 шш. рзы ашәҟәы иҭагалоу ацәгьоурақәа

Араион, ақалақь

2020 шықәсазы

2021 шықәсазы

Аҟәа

204

224

Гәдоуҭа араион

111

85

Гагра араион

124

149

Тҟәарчал араион

13

26

Кәыҵниа иҳәеит, ашәҟәы иҭагалоу ацәгьоурақәа реиҳарак аӷьычрақәа шракәу: 2021 шықәсазы - 127 (ацәгьоурақәа зегьы рҟынтәи 17,3%), иаарԥшуп – 64.
Ашәҟәы иҭагалан иара убасгьы, атәылауаа рӷьычра, ақәыларақәа, арҳәрақәа. Убри аан 2020 шықәсазы аасҭа 28 цәгьоура рыла еиҵан.
Кәыҵниа иазгәеиҭеит, закәаншьаҭада анаркотикатә маҭәашьарқәа реикәыршара шеиҳахаз.
Закәаншьаҭада анаркотикатә маҭәашьарқәа реикәыршара иадҳәалоу ацәгьоурақәа

Ашықәс

иҭаҩу ацәгьоурақәа

иаарԥшу ацәгьоурақәа

2019

207

179

2020

221

220

2021

238

237

"Аҿар рыбжьара иалаҵәоит зыхә дуум асинтетикатә наркотик мефедрон, анервтә система ааха азҭо. Уи ԥхьаҟа амилаҭ ргенофонд ааха анаҭоит. Аоперативтә маҵзурақәа ари анаркотик алагалара аԥырҟәҟәааразы аусурақәа арҭоит, аха иара аларҵәаҩцәа ҳаамҭазтәи ацифратә технологиақәа рхы иахьадырхәо азы ауадаҩрақәа ацуп", - ҳәа иҳәеит Кәыҵниа.
2021 шықәсазы Аԥсны апрокуратура аусбарҭақәа русура аихшьаалақәа рзы аколлегиа аилатәара мҩаԥысит хәажәкыра 9 рзы.
Ажәабжьқәа зегьы
0