https://sputnik-abkhazia.info/20220315/pitsundati-amshynaaara-gagraa-iiasit-1038125352.html
Пицундатәи амшынҳәааӡарҭа Гаграҟа ииасит
Пицундатәи амшынҳәааӡарҭа Гаграҟа ииасит
Sputnik Аҧсны
Аԥснытәи амилаҭтә мшынҳәааӡарҭа Гагра араион, Пицунда иаатит 2016 шықәсазы. 15.03.2022, Sputnik Аҧсны
2022-03-15T15:40+0300
2022-03-15T15:40+0300
2022-03-15T15:40+0300
аԥсны
ажәабжьқәа
https://cdnn1.img.sputnik-abkhazia.info/img/102362/41/1023624153_0:160:3077:1890_1920x0_80_0_0_ca7c73139ae91b97fdde3a4315d153d8.jpg
АҞӘА, хәажәкыра 15 – Sputnik, Бадри Есиава. Аԥснытәи амилаҭтә мшынҳәааӡарҭа Пицундантәи Гаграҟа ииаргеит ҳәа Sputnik иазеиҭеиҳәеит уи адиректор Асҭамур Асланӡиа.Амшынҳәааӡарҭа Кемпинг иахьаҵанакуа, Аҩӡба имҩаҿы иргылоуп. Х-мшынҳәак ыҟоуп иахьазы. Ашьаҭаркыҩцәа иазԥхьагәарҭоит аҽа мшынҳәаки ҩ-цыгәрынаки раахәара.Асланӡиа иажәақәа рыла аҭыԥ ҿыц еиҳа иманшәалоуп. Пицундатәи аӡҭарчы аҵауылара х-метрак иҟан, Гагратәи-хә-метрак еиҳауп.Амшынԥстәқәа аԥхынразы ақәгыларақәа мҩаԥыргалоит, аха амшынхәааӡарҭа аиҳабыра ргәы иҭоуп згәабзиара уашәшәыроу ахәыҷқәа рзы амшынҳәатерапиа алагалара."Ари азҵаара макьаназ иӡбам, аха иалшартә иҟоуп. Иахәҭоу аҭагылазаашьақәа аԥаҳҵоит", - ҳәа иҳәеит Асланӡиа.Аԥстәқәа аус рыдыруылалоит аҟазауаа. Аамҭа-аамҭала ргәабзиара гәарҭоит, анализқәа ргоит. Рыфатә ишахәҭоу еиҿкаауп. Мшынҳәак мышкала 10 кьылак рҟынӡа аԥсыӡ афоит.Гагра амшынҳәааӡарҭа рашәарамзанӡа аартра азгәаҭоуп, аха адоллар ашьҭыҵра инадҳәаланы ари аҿҳәара инахар алшоит.
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Пицундатәи амшынҳәааӡарҭа Гаграҟа ииасит
Аԥснытәи амилаҭтә мшынҳәааӡарҭа Гагра араион, Пицунда иаатит 2016 шықәсазы.
АҞӘА, хәажәкыра 15 – Sputnik, Бадри Есиава. Аԥснытәи амилаҭтә мшынҳәааӡарҭа Пицундантәи Гаграҟа ииаргеит ҳәа Sputnik иазеиҭеиҳәеит уи адиректор Асҭамур Асланӡиа.
"Аргыларақәа хара имгакәа ихыркәшахоит. Амшынҳәақәа аҭыԥ ҿыц ахь иааргахьеит. Аӡҭарчқәа ҩба аус рулоит: акы аартуп, егьи хҩоуп. Иахәҭоу ахыбрақәа ргылоуп", - ҳәа иҳәеит Асланӡиа.
Амшынҳәааӡарҭа Кемпинг иахьаҵанакуа, Аҩӡба имҩаҿы иргылоуп. Х-мшынҳәак ыҟоуп иахьазы. Ашьаҭаркыҩцәа иазԥхьагәарҭоит аҽа мшынҳәаки ҩ-цыгәрынаки раахәара.
Асланӡиа иажәақәа рыла аҭыԥ ҿыц еиҳа иманшәалоуп. Пицундатәи аӡҭарчы аҵауылара х-метрак иҟан, Гагратәи-хә-метрак еиҳауп.
Амшынԥстәқәа аԥхынразы ақәгыларақәа мҩаԥыргалоит, аха амшынхәааӡарҭа аиҳабыра ргәы иҭоуп згәабзиара уашәшәыроу ахәыҷқәа рзы амшынҳәатерапиа алагалара.
"Ари азҵаара макьаназ иӡбам, аха иалшартә иҟоуп. Иахәҭоу аҭагылазаашьақәа аԥаҳҵоит", - ҳәа иҳәеит Асланӡиа.
Аԥстәқәа аус рыдыруылалоит аҟазауаа. Аамҭа-аамҭала ргәабзиара гәарҭоит, анализқәа ргоит. Рыфатә ишахәҭоу еиҿкаауп. Мшынҳәак мышкала 10 кьылак рҟынӡа аԥсыӡ афоит.
Гагра амшынҳәааӡарҭа рашәарамзанӡа аартра азгәаҭоуп, аха адоллар ашьҭыҵра инадҳәаланы ари аҿҳәара инахар алшоит.
