Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Инар Ладариа Ареспублика Никарагуа иҟоу Урыстәылеи Венесуелеи рыцҳаражәҳәаҩцәа дырԥылеит

© Foto / Министерство иностранных дел Республики Абхазия Посол Республики Абхазия в Республике Никарагуа Инара Ладария
Посол  Республики Абхазия в Республике Никарагуа Инара Ладария - Sputnik Аҧсны, 1920, 16.03.2022
Анапаҵаҩра
Ареспублика Никарагуа Аԥсны ахьыԥшымра азханаҵеит 2008 шықәса цәыббра 4 азы. Шықәсык ашьҭахь адипломатиатә еизыҟазаашьақәа шьақәыргылан.
АҞӘА, хәажәкыра 16 – Sputnik. Никарагуа иҟоу Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩ Инар Ладариа Ареспублика Никарагуа иҟоу Урыстәылеи Венесуелеи рыцҳаражәҳәаҩцәа дырԥылеит ҳәа аанацҳауеит Аԥсны Адәныҟатәи аусқәа рминистрра асаит.

Ареспублика Никарагуа иҟоу Урыстәылатәи Афедерациа ацҳаражәҳәаҩ Александр Хохоликов Ареспублика Никарагуа иҟоу Урыстәылатәи Афедерациа ацҳаражәҳәарҭахь днеиԥхьеит Ареспублика Никарагуа иҟоу Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩ Инар Ладариа. Аиԥылара далахәын Никарагуа иҟоу Боливариантәи Ареспублика Венесуела ацҳаражәҳәаҩ Хосе Франсиско Хавером Арруе де Пабло.

Александр Хохоликови Хосе Франсиско Хавер Арруе де Паблои Инар Ладариа идырныҳәалеит Ареспублика Никарагуа аҿы Аԥсны Аҳәынҭқарра азинмч нагӡеи анапынҵа ҷыдақәеи змоу ацҳаражәҳәаҩыс иҟалара, изеиӷьаршьеит ақәҿиарақәа абри аус аҿы.
Аиԥылараан еиуеиԥшым азҵаарақәа рганахь ала агәаанагарақәа еимырдеит, Ацҳаражәҳәарҭақәа русура аинырра иалацәажәеит.
Инар Ладария вручил копии верительных грамот Министру иностранных дел Никарагуа Денису Монкада - Sputnik Аҧсны, 1920, 17.02.2022
Аԥсны
Никарагуа иҟоу Аԥсны ацҳаражәҳәаҩ ареспублика АА рминистр Агәраргагатә шәҟәқәа ииҭеит
Инар Ладариа Ареспублика Никарагуа аҿы Аԥсны Аҳәынҭқарра азинмч нагӡеи анапынҵа ҷыдақәеи змоу цҳаражәҳәаҩыс дҟаҵан 2021 шықәса ԥхынҷкәын 17 азы. Ареспублика Никарагуа ахь инашьҭу азинмч нагӡеи анапынҵа ҷыдақәеи змоу Аԥсны Аҳәынҭқарра ацҳаражәҳәаҩ Инар Ладариа Никарагуа Адәныҟатәи аусқәа рминистр Денис Монкада Агәраргагатә шәҟәқәа ииҭеит жәабранмзазы инеираан.
Уаанӡа, Аԥсны Адәныҟатәи аусқәа рминистрс иҟаз Даур Ақаҩба Никарагуа усутә ныҟәарыла дыҟан абҵарамзазы.
Усҟан анапы аҵаҩын Аԥсни Никарагуеи 2022 шықәсазтәи реинырра ауснагӡатәқәа рыплани ареспубликақәа раҳҭнықалақьқәа рыбжьара аиашьаратә еизыҟазаашьақәеи.
Ажәабжьқәа зегьы
0