Микрофон  - Sputnik Аҧсны, 1920
Арадио

Џьниаԥҳа еиҭалҳәеит аконцерт-реквием сынтәатәи аҷыдарақәа ртәы

Џьниаԥҳа еиҭалҳәеит аконцерт-реквием сынтәатәи аҷыдарақәа ртәы
Анапаҵаҩра
Yandex newsTelegram
Аԥсны Аџьынџьтәылатәи еибашьраан иҭахаз ргәалашәара аҳаҭыраз имҩаԥгахоит аконцерт. Афилармониа асахьаркыратә напхгаҩы Есма Џьниаԥҳа арадио Sputnik иазеиҭалҳәеит уи шеиҿкаахо.
Раԥхьаӡа акәны агәалашәартә концерт мҩаԥган 2015 шықәса рзы. Аибашьра атема рҟазараҿы ихаданы ирзыҟалеит аԥсуа поетцәа, ашәақәа аԥызҵо амузыкантцәа, асахьаҭыхыҩцәагьы, уи азы ҳаргьы иаҳуалԥшьаны иҳаԥхьаӡеит аконцерт аиҿкаара, ҳәа лҳәеит Џьниаԥҳа.
"Есышықәса аконцерт апрограмма еиԥшӡам. Аԥснытәи амузыкантцәа рыдагьы иааҳаԥхьон нхыҵынтәи, еиҳарак Урыстәылантәи. Сынтәатәи егьырҭ иреиԥшӡам. Иара камертә ҳасабала иҟаҵоуп", - ҳәа азгәалҭеит афилармониа асахьаркыратә напхгаҩы.
Аконцерт алагоит асааҭ 18:00 рзы. Аҩналара - хәыда-ԥсадоуп.
Ажәабжьқәа зегьы
0