Европатәи Ахеидкыла аминистрцәа реилак Урыстәыла аиҿкаара иалыргеит

© Sputnik / Владимир Федоренко / Амедиаҵәахырҭахь аиасраПАСЕ
ПАСЕ - Sputnik Аҧсны, 1920, 17.03.2022
Анапаҵаҩра
Европатәи Ахеилак — жәларбжьаратә еиҿкаароуп, ауаҩи атәылауаҩи рзинқәеи рхақәиҭрақәеи русхк аҟны атәылақәа русеицура иацхраауеит. Урыстәыла Европатәи Ахеилак иалоижьҭеи 26 шықәса ҵуеит.
АҞӘА, хәажәкыра 17 – Sputnik. Европатәи Ахеидкыла аминистрцәа реилак аилатәараҿы ирыдыркылаз аӡбрала Урыстәыла аиҿкаара иалыргеит ҳәа аанацҳауеит Европатәи Ахеилак асаит.

"Аилак изаамҭанытәим аилатәараҿы Еврохеилак Аԥҟаԥҵәа ахәҭаҷ 8 инақәыршәаны излагаз апроцедурала Урыстәылатәи Афедерациа иахьа инаркны Европатәи Ахеилак иалгахоит", - аҳәоит адокумент аҿы.

Уаанӡа ЕА аилацәажәаратә орган, Апарламенттә Ассамблеиа, егьырҭ аҳәынҭқарра-лахәылацәа еидызкыло, Аминистрцәа Реилак ахь ааԥхьара ҟанаҵеит Урыстәыла аиҿкаара иалгазарц. Апроект азы рыбжьы рҭиит 216-ҩык адепутатцәа, хҩык рҽааныркылеит. Аӡәгьы даҿамгылаӡеит.
Уаанӡа Урыстәыла Аҳәынҭдума ахада ихаҭыԥуаҩ, ПАСЕ аҿы урыстәылатәи аделегациа ахада Пиотр Толстои аҳәамҭа ҟаиҵеит Урыстәыла ахаҭа аиҿкаара иалҵырц аӡбра шаднакылаз. Уи азы ашәҟәы шылзынашьҭыз Еврохеилак амаӡаныҟәгаҩ хада Мариа Пеичинович Бурич.
Министерство иностранных дел России - Sputnik Аҧсны, 1920, 16.03.2022
Урыстәыла ААР: Урыстәыла аганахь ала Европа ахымҩаԥгашьа анҭыҵынтә иаҵаҳәоуп
"НАТОи Евроеидгылеи рҳәынҭқаррақәа Еврохеилак аҿы реиҳара рхы иархәаны ари аиҿкаара урыстәыла иаҿагыло хархәаганы ишьҭырхит, мап ацәыркуеит еиваҟәыло аиҿцәажәара, мап ацәыркуеит ари аиҿкаара анаԥырҵоз изықәныҟәоз апринципқәа", - ҳәа аҳәоит Урыстәыла ААР аофициалтә ҳәамҭаҿ.
Адәныҟатәи аусқәа рминистрра аҳәамҭала Еврохеилак алҵра урыстәылатәи атәылауаа рзинқәеи рхақәиҭрақәеи ирԥырхагам, ирыдыркылахьоу ақәҵарақәа урыстәылатәи Аконституциа иаҿамгылозар ахархәара роуеит.
Еврохеилак аԥҵан 1949 шықәсазы. Европа иреиҳабу аиҿкаарақәа иреиуоуп. Иара иалшамҭа хаданы ишьоуп ауаҩы изинқәеи ихақәиҭрақәеи рыхьчаразы Европатәи аконвенциа.
Ажәабжьқәа зегьы
0