Микрофон  - Sputnik Аҧсны, 1920
Арадио

Қацәба: ааӡара ахьыҟам иагьа ахшыҩ ҳаракхаргьы, алҵшәа ҳмыхәар ҟалоит

Қацәба: ааӡара ахьыҟам иагьа ахшыҩ ҳаракхаргьы, алҵшәа ҳмыхәар ҟалоит
Анапаҵаҩра
Yandex newsTelegram
Ахәыҷтәы ҟазара аҩны "Аинар" аиҳабы Витали Қацәба арадио Sputnik аефир аҟны далацәажәеит аҟазаратә проект "Арт-палитра" асахьаҭыхра знапы алаку ахәыҷқәа рзы ҵакыс иамоу атәы.
Жәларбжьаратәи аҟазаратә проект "Арт-палитра" аҳәаақәа ирҭагӡаны Ахәыҷтәы ҟазара аҩны "Аинар" аҟны иаатит Суриков ихьӡ зху Липецктәи аҩбатәи ахәыҷтәы сахьаҭыхратә школ ааӡамҭацәеи, аҭыԥантәи асахьаҭыхыҩцәа қәыԥшцәеи русумҭақәа рцәыргақәҵа. Ари апроект иахыҵуеит 8 шықәса. Ари аамҭа иалагӡаны иалнаршази, ҵакыс иамоуи далацәажәеит Ахәыҷтәы ҟазара аҩны "Аинар" аиҳабы Витали Қацәба, иара убасгьы иҳәеит ахәыҷы доуҳала иааӡара, ииашаны изнеишьа аҵакы атәы.
"Сгәанала ахәыҷы аҵара ирҵара, ихшыҩ аизырҳара арҵаҩы иаԥхьа игылоу иреиҳау ҳасабтәуп. Аха уи аԥхьагьы сара исыргылар сҭахуп ахәыҷы иааӡара, избанзар ааӡара ахьыҟам, иагьа ахшыҩ ҳаркхаргьы, уи ахшыҩ ауаҩы ихаҭа иԥырхагахар ҟалоит. Акультура, адоуҳа рылааӡара аҭахуп, ҳара аԥсуаа ҳҟазшьа ыҟоуп, ҳаидызкыло ҳаламыс ҳамоуп, уи злашьақәгылоу ауаҩра ҳацуп. Ус анакәха, убри рылаҳмааӡакәа, ирыԥсҭазаахартә иҟамлакәа, иагьа дырра рыуҭаргьы, алҵшәа иаиуа ҳара иаҳмыхәар ҟалоит. Ахәыҷы даара угәыуҽанны уизнеироуп, уазхиазароуп акы ирҵара. Сара сырҵаҩуп саҳаракыра убома ҳәа хыхьынтәи уихәаԥшуа уаналага, дуцәыӡуеит. Ҳара убри ааӡара аганахьала иҳалшо ахәыҷала аус ҳуашәа сгәы иабоит", - иҳәеит Қацәба.
Аицәажәара иаҳа инарҭбааны аудиофаил аҟны.
Ажәабжьқәа зегьы
0