Микрофон  - Sputnik Аҧсны, 1920
Арадио

Ҳагба: адепутат – аҭакԥхықәра ду зду аполитик ҳәа дыԥхьаӡоуп

Ҳагба: адепутат – аҭыкԥхықәра ду зду аполитик ҳәа дыԥхьаӡоуп
Анапаҵаҩра
Yandex newsTelegram
Дзеиԥшразар ахәҭои адепутат, иарбан зҵаарақәоу уажәтәи Апарламент аҿаԥхьа иқәыргылахо, насгьы ажәлар ишԥазнеир ахәҭои алхрақәа рхаҭақәа, абри азы арадио Sputnik аҿы игәаанагара иҳәеит аполитолог Беслан Ҳагба.
Аԥсны Жәлар Реизарахь алхрақәа мҩаԥысит хәажәкыра 12 рзы, иахьазы адепутатцәа алхуп 17 алхырҭатә ҭыԥ рҿы, даҽа 17 ҭыԥ рҿы алхрақәа аҩбатәи ртур мҩаԥысуеит.
18-тәи алхратә ҭыԥ хадаҿы аиҭалхрақәа мҩаԥгахоит. Уажәтәи алхрақәа актәи атур излеиԥшым ыҟоуп - абжьыҭара инеиуа рхыԥхьаӡара иазԥҵәоу ыҟаӡам, азакәан инақәыршәаны бжьы заҵәык ала еиҳахаз акандидат даиааит ҳәа дыԥхьаӡоуп. Хәажәкыра 12 рзы еиҳа абжьы зауз акандидатцәа Жәлар Реизарахь 17 ҭыԥ рҿы иқәгылоуп 34-ҩык. Урҭ рҟынтәи ԥшьҩык ҳәсақәоуп 30-ҩык хацәоуп.
"Сара ҳаҭала аполитик идыскыло даара ирацәоуп. Аҳәынҭқарра ашьақәыргылараҿы ламысла дазыразны днеизар акандидат, сара алхрақәа иахәҭаны ибзианы имҩаԥысит ҳәа исыԥхьаӡоит. Адепутат – аҭакԥхықәра ду зду аполитик ҳәа дыԥхьаӡоуп. Хара имгакәа Аԥсны аганахьала ирацәаны азҵаарақәа цәырҵуеит. Ган рацәала. Ҳҳәынҭқарра, ҳсуверенитет, аекономика, ҳсоциалтә бзазара. Ҳакәша-мыкәша имҩаԥысуа ахҭысқәа ҳполитика инамыԥшыр ҟалаӡом", - ҳәа азгәеиҭеит Ҳагба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0