Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи ақәԥаҩцәа Ставрополь имҩаԥысуаз аицлабрақәа рҿы аԥыжәаратә ҭыԥқәа ныркылеит

© Foto / Анри КетияЮные борцы из Абхазии
Юные борцы из Абхазии  - Sputnik Аҧсны, 1920, 28.03.2022
Анапаҵаҩра
Зых иақәиҭу ақәԥаразы арегионбжьаратә еицлабрақәа "Ажәларқәа реиҩызара" аатит Ставрополь хәажәкыра 26 азы.
АҞӘА, хәажәкыра 28 – Sputnik, Бадри Есиава. Аԥснытәи ақәԥаҩцәа Ставрополь имҩаԥысуаз аицлабрақәа рҿы аԥыжәаратә ҭыԥқәа ныркылеит: араӡны медалки аџьазлыхқәа ԥшьбеи ҳәа Sputnik акорреспондент изеиҭеиҳәеит азыҟаҵаҩ Анри Кьетиа.
Иара иҳәеит, Пицундатәи иааӡамҭацәа Расули Рамини Арсҭааи, Владислав Ладариеи атурнир аҿы ахԥатәи аҭыԥқәа шыргаз. Аҩбатәи аҭыԥ никылеит Нестор Кәарацхьелиа. Ахԥатәи аҭыԥқәа ргеит Гагратәи аспортсменцәа Асҭамур Арсҭааи Осман Дбари.

"Ҩынтәуп аҳәаанырцәтәи аицлабрақәа ҳрылахәхоижьҭеи. Ставрополь еснагь аиԥш атурнир бзиаӡаны еиҿкаан. Актәи аҭыԥқәагь ҳарзыԥшын, аха еснагь иуҭаху ҟалом. Иҟоуп агхақәа аус здулатәу. Аҩны ҳнеир анализ ҟаҳҵашт", - иҳәеит иара.

Иаарту арегионбжьаратә еицлабрақәа ирылахәын Ставропольтәии Краснодартәии атәылаҿацәқәа, Чечентәыла, Адыгеиа, Даӷьесҭан, Ҟабарда-Балкариа ареспубликақәеи Калмыкиеи рҟынтәи 170-ҩык аспортсменцәа.
Ажәабжьқәа зегьы
0