Микрофон  - Sputnik Аҧсны, 1920
Арадио

Раионк аԥсҭазаараҟынтә: Ҭорҭиа ачашыла ахә ашьҭыҵра ачазауад аусура ишаныԥшыз атәы

Раионк аԥсҭазаараҟынтә: Ҭорҭиа ачашыла ахә ашьҭыҵра ачазауад аусура ишаныԥшыз атәы
Анапаҵаҩра
Yandex newsTelegram
Тҟәарчалтәи ачазауад адиректор Вахтанг Ҭортиа арадио Sputnik аефир аҿы иҳәеит ачашыла ахә ашьҭыҵра иахҟьаны азауад аусура аанкылар шалшо атәы.
Аԥсны аекономика аминистрраҿы имҩаԥысыз аусбарҭеи ачалыхӡыҩцәеи реиԥылараан иҳәан ареспубликахь еиԥҟьарада ачашыла аагаразы иахәҭоу ауснагӡатәқәа шымҩаԥгатәу.
Ааглыхыҩцәа ирҳәеит ачаӡраз иаҭаху амарҭхәқәа бжьаратәла рыхәԥсақәа 30% рыла ишазҳаз. Дара ирҳәеит иҭрыжьуа аалыҵ акалькулиациа аҽшаԥсахуа, аизҳара аганахьала, аахәаратә хәыԥсақәа аекспортиорцәа есыҽны ишеиҭаркуа.
Аԥсны аекономика аминистр Кристина Озган аусбарҭа аусзуҩцәа рнапы ианылҵеит аҭагылазаашьа ҭырҵаарц, ахәқәа рынкыларазы ажәалагалақәа аздырхиарц, аҳәынҭқарратә дгылара азҵаара иахәаԥшырц.
"Уажә ҳашцо ала ача аганахьала ԥсыхәак ҟаҵатәуп. Аҽашыла ахә иацлеит, уажәы еиҭа иацлоит рҳәоит. Аҵыхәтәаны иаазгаз ачашыла ахә уажәыгьы исзымшәаӡац, аԥара аизгара ҳаҿуп, аха ус ауалафахәы ашәара аамҭа ааиуеит. Аҭагылазаашьа уадаҩуп, аҳәынҭқарраҿы ак рмыӡбар ада ԥсыхәа ыҟаӡам. Ача ахә ҳара иаҳзышьақәыргылаӡом. Ҳашнеиуа, ҳԥара нҵәоит. Ачашыла ахә анышьҭыҵ, ача ахә ианацумҵа, мызкала азауад азарал аиуеит", - ҳәа иҳәеит Ҭорҭиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0