Вулин аурысцәымӷраз: Мраҭашәара рцәымӷра зхыргаша аобиект аиуит

© Sputnik / Григорий Сысоев / Амедиаҵәахырҭахь аиасраVIII Московская конференция по международной безопасности
VIII Московская конференция по международной безопасности - Sputnik Аҧсны, 1920, 01.04.2022
Анапаҵаҩра
Украинатәи акризис агеополитикатә еиҭаҵрақәа, аурысцәымӷра цәырнагеит Мраҭашәаратәи атәылақәа рҿы. Абри аҭагылазаашьа аан Сербиа Европа иҟанаҵо ақәыӷәӷәара ишацәцо атәы еиҭеиҳәеит Сербиа ААР ахада Александар Вулин.
АҞӘА, мшаԥы 1 - Sputnik. Сербиа Аҩнуҵҟатәи аусқәа рминистр, уаанӡатәи атәылахьчара аминистр Александар Вулин Sputnik Serbia аинтервиу аҭо иҳәеит Белград асанкциақәа изрыдымгылаз, аурыс жәлар рцәымӷрагьы заанамырԥшуа.
Ҳәарада агәаӷьра аҭахуп есышықәса ицәырырго асанкциақәа рыдымгыларазы. Урҭ Украина ала акәӡам иишалагаз. Мраҭашәаратәи Европаҿ аӡәы акы изуҳәарц жәантә ухәыцроуп, Урыстәыла иазуҳәалак ачҳауашәа рбеит. Ахәыҷқәа ашколқәа рыҭцараҟынӡа инеит. Мраҭашәара рцәымӷра злархыргаша роуит", - ҳәа иҳәеит иара.
Аминистр иажәақәа рыла, Сербиа ахада Вучич ишьҭахь игыло, реиҳа АИХқәа рҟынтәи ааха зауа иара иоуп.
"Сара аурысқәа рзы ажәа бзиақәа роуп исҳәартә исымоу. Шәааи аурыс жәлар рдунеитә лагала ҳхаҳаршҭып. Иаанхода нас? Иалшома Чарльз Буковски Достоевски диԥсахырц? Менделеев аҵәы ихьаҳшьрыма? Иқәаагап Урыстәыла. Иазынхозеи Мраҭашәара? Сара аимак еилыскаар сылшоит, аха аӡәы ихәыҷы ашкол дҭуцар шԥауеи?", - ҳәа агәынамӡара ааирԥшыит сербиатәи аминистр.
Вулин иҳәеит адунеи аҿы ишаҭаху ашәарҭадаратә система ҿыц. Адунеи Урыстәылеи Китаии рыда иԥсуп ҳәа азишьоит иара.
Ажәабжьқәа зегьы
0