Микрофон  - Sputnik Аҧсны, 1920
Арадио

Каԥба: аԥсуа бираҟ ауаа аинтерес рызцәырнагеит, азҵаарақәа роуит

Каԥба: аԥсуа бираҟ ауаа аинтерес рызцәырнагоит, азҵаарақәа роуеит
Анапаҵаҩра
НовостиTelegram
Германиа инхо ҳџьынџьуаҩ Зеқи Каԥба Берлин 2022 захьӡу амарафонбжа далахәын. Арадио Sputnik аефир аҿы еиҭеиҳәеит уи шыҟалази, аԥсуа бираҟ ицәырнагаз азҿлымҳареи ртәы.
45 шықәса ҵуеит Зеқи Каԥба Германиа дынхоижьҭеи. Иара иҳәоит еснагь аспорт дшадҳәалаз, аха аамҭаказы иаанижьхьан, уажәы быжьшықәса раҟара инеиԥынкыланы иҽазыҟаиҵоит. Амарафонқәа дрылахәуп, 10-15 километра дыҩуеит.
Ҳџьынџьуаҩ иҳәеит, Берлинтәи амарафон сынтәа 33 нызқьҩык шалахәыз.
"Ари амарафон адунеи аҿы пату зқәу еицлаброуп. Атәым ҳәынҭқаррақәа рҟнытә ауаа рхы аладырхәуеит. Сынтәа 162 ҳәынҭқарра рҟынтә иҟан", - ҳәа азгәеиҭеит Қапба.
Зеқи еиҭеиҳәеит дызлахәыз амарфонбжаҿы аԥсуа абираҟ ицәырнагаз аинтерес атәы.
"Ауаа ирзымдыруа абираҟ анырбалак иџьашьаны иахәаԥшуеит. Саргьы сеигәырӷьаны изаку расҳәоит, схала ҳаԥсадгьыл аӡыргара ҟасҵоит. Ауаа ҳбираҟ иахьырбо аинтерес рызцәырнагоит, азҵаарақәа роуеит", - иҳәеит Каԥба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0