Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи аспортсмен Дмитри Гәазаа Италиа ачемпионат далахәын

© Foto / instagram / neposredstvennДмитрий Гвазава
Дмитрий Гвазава  - Sputnik Аҧсны, 1920, 06.04.2022
Анапаҵаҩра
Yandex newsTelegram
Ачемпионат "Lamborghini Super Trofeo" актәи ахәҭа мҩаԥысуан автодром Имола аҿы, Италиа мшаԥы 2-3 рзы.
АҞӘА, мшаԥы 6 – Sputnik, Бадри Есиава. Аԥснытәи аспортсмен Дмитри Гәазаа Италиа акоманда "Target Racing" далахәны европатәи ачемпионат "Lamborghini Super Trofeo" аҟны дықәгылеит.
"Ачемпионат актәи ахәҭа мҩаԥысит автодром Имола аҿы. Ари автоеиԥхныҩларақәа рҭоурых аҿы иҷыдоу ҭыԥуп. Ишәарҭан иршьоит. Уаҟа дҭахеит хынтәны адунеи иачемпионыз Аиртон Сенна, иара уаҟоуп ибаҟа ахьгылоугьы. Ҳара даара ҳҽазыҟаҵаны ҳаҟан, ицәгьамкәангьы алҵшәа ааҳарԥшит", - иҳәеит Гәазаа.
Ачемпионат "Lamborghini Super Trofeo" актәи ахәҭа мҩаԥысуан автодром Имола аҿы, Италиа мшаԥы 2-3 рзы иҳәеит иара. Ачемпионат иалахәын европатәи акомандақәа, Италиа, Германиа, Франциа уҳәа.
Гәазаа иажәақәа рыла ақәгыларақәа рацәак иқәҿиарамхеит. Аԥхьа иара дахьымӡеит арезина арԥхара, аквалификациатә ҭалараан ажәабатәи аҭыԥ иоуит. Уантәи ауп раԥхьатәи аиԥхныҩларахьгьы дышнеиз.
"Аҵҟьашьа бзиан аха ииашамкәа астратегиа алсхит, иццакымыз апилот сишьҭахеит. Амҩа ҭшәоуп, аӡәы иаԥысра уадаҩуп. Анаҩс аԥсҟы никылеит ҳкоманда алахәыла, аха уигьы амашьынақәа дрыбжьахеит. Аҭагылазаашьа аруадаҩит ашәарҭадаратә машьынагь. Иара узаԥысуам", - ҳәа иҳәеит аспортсмен.
Двукратный обладатель Кубка России Mitjet Дмитрий Гвазава - Sputnik Аҧсны, 1920, 05.09.2021
Аԥснытәи аспортсмен Дмитри Ӷәазаа World GTаетап актәи аиԥхныҩлараҿы даиааит
Актәи амш азы Ӷәазаа аабатәи аҭыԥ игеит "абсолют" (аҭаларақәа рзеиԥш еихшьала ахьыҟарҵо адисциплина) аҟны, аԥшьбатәи – икласс аҟны. Аҩбатәи амш азы Дмитри Гәазаа икоманда аԥшьбатәи апозициаҟынтә иҵҟьеит.
Акоманда иалшеит актәи апозициахь анеира. Ӷәазаа аԥхьа дгылан ҩ-еикәшарак, аха араҟагь иқәымҿиеит.
"Сара аԥсҟы скаанӡа икаҭәаз ахәша сылагылазар ҟалап, сшьапы атормаз иамҟьеит, амҩа санҟьеит. Саныхынҳәгьы аԥыжәара сыман, аха сыццакра аҽакхеит. Сзындаҭлозгьы исаԥигеит", - иҳәеит иара.
Ачемпионат "Lamborghini Super Trofeo" быжь хәҭак рыла ишьақәгылоуп. Анаҩстәи ахәҭа мҩаԥгахоит автодром Поль Рикар аҿы, Франциа.
Дмитри Гәазаа - апрофессионалтә спортсменуп, автоеиԥхныҩларақәа дрылахәуп 2010 шықәса раахыс. Mitjet 2016 FORMULA 1 RUSSIAN GRAND PRIX алахәыла. 2018 шықәса абҵарамзазы иара аҩаӡара PRO иатәу аиԥхныҩларақәа Mitjet 2L рҿы Урыстәыла дачемпионхеит. 2019 шықәсазы Франциаҟа диасит, далахәын акласс GT4 иатәу аицлабрақәа. 2019 шықәсазы Дмитри Гәазаа дызлахәыз франциатәи акоманда "Speed Car" атурнир "Шесть часов Ле-Мана" аҿы аиааира агеит.
Ажәабжьқәа зегьы
0