Микрофон  - Sputnik Аҧсны, 1920
Арадио

Атәылауаҩи аиҳабыреи: Аршбеи Ҷыҭанааи абнақәа рбылра иазкны

Атәылауаҩи аиҳабыреи: Аршбеи Ҷыҭанааи абнақәа рбылра иазкны
Анапаҵаҩра
Абна амца аркра – ишьҭаҳкааз атрадициа бааԥс аԥыхразы иҟаҵатәуи, аԥхаррақәа идырааигәо абнақәа амца рыркра ауадаҩрақәа арадио Sputnik аҿы иалацәжәеит Аԥсны аеколог хада Савели Ҷыҭанааи АҶА абылраҽацәыхьчара-хылаԥшратә усбарҭа аиҳабы ихаҭыԥуаҩ Аркади Аршбеи.
АҶА абылраҽацәыхьчара-хылаԥшратә усбарҭа аиҳабы ихаҭыԥуаҩ Аркади Аршба иажәақәа рыла сынтәа ҩымз ирылагӡаны 42 амцкрақәа ыҟан.
"Ҵыԥх иаҳагьы ирацәан, 172 мцакра ыҟан. Аха уажәы аԥхарақәа ааиуеит, анхацәа рынхарҭақәа арыцқьара иалагоит, уи ауп еиҳарак абылрақәа зыхҟьо. Иазгәаҭатәуп Очамчыра араион аҿы ишырацәоу былрақәа", - ҳәа еиҭеиҳәеит Аршба.
Аԥсны аеколог ахада иҳәеит уажәааны амцакра зыхҟьоу ауаҩы шиаку.
"Уамашәа ибатәуп уажәааны амцакра аҭыԥ ахьамоу. Ари иаҳәо акоуп, уи ауаҩы иоуп. Ауаҩы иааирԥшыроуп агәеилгара, имч хадараны ишыҟоу аԥсабара аиқәырхаҿы, уи азы иаргьы аҭакԥхықәра шиду еиликаауазароуп", - ҳәа иҳәеит Ҷыҭанаа.
Аԥсны аԥсабара ҭоурыхла ашәаԥыџьаԥ беианы еизҳауан, уи зыбзоуроу адгьыл аҿы иҟоу ацәаакыреи аҳауаԥхарреи роуп иҳәеит Ҷыҭанаа. Ацәаакыра бзиа аныҟоу амцакра ҟамлароуп, аха аҳауа аҽеиҭакра анырра ҟанаҵоит ҳәа азгәеиҭеит иара.
Астудиа асасцәа ирҳәеит амцакра зхылҿиаауа афакторқәа, анаҩс аԥсабара аиҭашьақәыргыларазы инагӡатәу аусмҩаԥгатәқәа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0