Микрофон  - Sputnik Аҧсны, 1920
Арадио

Хра злоу ахҭысқәа: Ломиа Омар Беигәаа Аԥсныҟа иааишьҭуаз исалам шәҟәқәа рҷыдара иазкны

Хра злоу ахҭысқәа: Ломиа Омар Беигәаа Аԥсныҟа иааишьҭуаз исалам шәыҟәқәа рҷыдара иазкны
Анапаҵаҩра
Yandex newsTelegram
Омар Беигәаа диижьҭеи 120 шықәса аҵра иазкны Аԥсуаҭҵааратә институт аҿы мшаԥы 12-14 рзы имҩаԥысуан аконференциа. Аинститут адиалектологиатә лабораториа аҭҵаарадырратә усзуҩ Нурбеи Ломиа арадиоефир аҿы Омар Беигәаа Аԥсныҟа иааишьҭуаз исалам шәҟәқәа ртәы еиҭеиҳәеит.
"Аԥсадгьыли аԥсуа бызшәеи рыгәхьаагара атема Омар Беигәаа исалам шәҟәқәа рҿы" - абас ахьӡын Нурбеи Ломиа аконференциаҿы иажәахә.
"Омар Беигәа иҳәон "сара сбызшәараӡаҩуп" ҳәа. Иара инапы злакыз ганрацәала еиларсу аԥсуаҭҵаара ахырхарҭақәа зегь раасҭа ихадароу абызшәа аҭҵаара шакәу азгәеиҭоит. "Жәларык ирмоуша адура злаҳарҳаша аԥсшәа Анцәа ҳара иҳаиҭеит, урҭ ажәақәа иреицаҟьаны иаԥшьаҳгар, ҳхыс дырра, ҳҭаарых цәыргахон", - ҳәа иҳәон аҵарауаҩ. Ҳаԥсшәа ииашаны аҳәашьеи аҩышьеи Омар Беигәаа даара дахӡыӡаауан, избанзар ҳҭоурых ҵаула аилкааразы, иара ииашаны ашьақәыргыларазы ҳбызшәа ихадоу ахыҵхырҭақәа дрыхәаԥшуан, иара идыруан ҳбызшәа ижәытәӡатәиу шаҳаҭра шазнауа", - ҳәа азгәеиҭеит Ломиа аиҿцәажәараҿы.
Аҵарауаҩ арадиоефир аҿы дрыԥхьеит Омар Беигәаа исалам шәҟәқәак, урҭ ԥсышәа цқьала иҩуп ҳәа азгәеиҭеит Ломиа.
"Омар Беигәаа "сара ижәытәӡатәиу ҳабацәа иаҳзааргаз бызшәалоуп сызлацәажәо" ҳәа иҩуан исалам шәҟәқәа рҿы. 1975 шықәсазы иара иԥсадгьыл абара аниқәашьха нахыс ауп ҳаԥсуа ҵарауааи иареи асалам шәҟәқәа рыбжьысуа ианалага. Асалам шәҟәқәа изаашьҭуаз иреиуоуп Руслан Гәажәба, Анзор Мықәба, Ирина Басариаԥҳа, Алина Ачԥҳа, Валери Беигәаа уҳәа", - иҳәеит Ломиа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0