Микрофон  - Sputnik Аҧсны, 1920
Арадио

Раионк аԥсҭазаараҟынтә: Гәлиа Гагратәи аспорттә комплекс ҿыц иазкны

Раионк аԥсҭазаараҟынтә: Гәлиа Гагратәи аспорттә комплекс ҿыц иазкны
Анапаҵаҩра
Зых иақәиҭу аиқәԥаразы азыҟаҵаҩ Адгәыр Гәлиа арадио Sputnik аефир аҿы еиҭеиҳәеит Гагратәи аспорттә комплекс ҿыц аҿы аҽазыҟаҵарақәа шцо, ианаартха ашьҭахь шаҟаҩы ахәыҷқәа аднаԥхьалаз.
Гагра аусура иалагеит аспорттә комплекс ҿыц. Аспорттә комплекс аҿы еиуеиԥшым аспортхкқәа: зых иақәиҭу аиқәԥара, абокс, асамбо, адзиудо, акарате рзы аицлабрақәа рымҩаԥгара алшоит. Гагра араион зегь аҟынтә аспортсменцәа уахь инеир ҟалоит.
"Азал зегьы иаарылукаартә иҟоуп, аҽазыҟаҵаразы еиқәшәоуп. 70-ҩык рҟынӡа ҳамоуп аспортсменцәа. Ари ҳазыԥшыижьҭеи 20 шықәса ҵуан. Уаанӡа ҳахьаақәшәо ҳҽазыҟаҳҵон", - ҳәа еиҭеиҳәеит Гәлиа.
Азыҟаҵаҩ иҳәеит азал ҿыц анаартха ашьҭахь иааиуа ахәыҷқәа рхыԥхьаӡара иаҳагьы ишацлаз. Иааидкыланы 140-ҩык рҟынӡа ҳадаҳкылар алшоит ҳәа азгәеиҭеит Гәлиа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0