Микрофон  - Sputnik Аҧсны, 1920
Арадио

Ҳазлацәажәаша ҳамоуп: Арухаа жәлар ринструментқәа роркестр аконцерт иазкны

Ҳазлацәажәаша ҳамоуп: Арухаа жәлар рарҳәагақәа оркестр аконцерт иазкны
Анапаҵаҩра
Yandex newsTelegram
Аҳәынҭқарратә филармониаҿы мшаԥымза 26 рзы имҩаԥгахоит Оҭар Хәынцариа ихьӡ зху жәлар ринструментқәа роркестр аконцерт. Арадиостудиаҿы аоркестр анапхгаҩы Денис Арухаа еиҭеиҳәеит, уи апрограммеи Оҭар Хәынцариа жәлар рарҳәагақәа аиқәырхараҿы илагалеи ртәы.
Аконцерт алагоит асааҭ 18:00 рзы, аҩналара хәыда-ԥсадоуп. Апрограмма зегьы Оҭар Хәынцариа иаԥиҵаз акомпозиациақәа рыла ишьақәгылахоит ҳәа иҳәеит Арухаа арадиефир аҿы.
Жәлар рарҳәагақәа роркестр анапхгаҩы Оҭар Хәынҵариа жәлар рмузыкаҿы иаанижьыз илагала атәы далацәажәеит, иҳәеит, ҟазак иаҳасабала ихаҭара ашьақәыргылараҿы илагала шдуу.
"Сымҩа иара ибзоуроуп. Абас идуу ауаҩы уанихәаԥшуа, удунеихәаԥшышьа аҽеиҭанакуеит. Аҿар ҳаизганы, абри ыӡуеит иашәырҳәа ҳәа иара иоуп иҳазҳәоз, иара иоуп урҭ мыӡуа иҟазҵазгьы. Аҿар рнапаҟны иркит жәлар рарҳәагақәа. Ансамбль аҿы иарбоуп аинструментқәа зегьы, изҭаху зегьы рыбжьы раҳар рылшоит аконцерт ахь инеир", - ҳәа азгәеиҭеит Арухаа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0